Soltústik Koreiada memleket basshysy Kim Ir Senniń týylǵanyna 105-jyl tolýyna orai uiymdastyrylǵan merekelik sharada AQSh-qa jasalǵan zymyran soqqysynyń videofilmi kórsetildi, - dep habarlaidy RIA Novosti Renhap agenttigine silteme jasap.
Videorolikte jańa ballistikalyq zymyrannyń ushyrylǵan sáti kórinedi. Zymyran muhittan ótip baryp, AQSh-qa soqqy jasaidy. Al kelesi kadrlardan Amerikanyń órtenip jatqan týyn kórýge bolady.
Basylymnyń málimetinshe, is-shara barysynda jańa qurlyqaralyq ballistikalyq zymyran tanystyryldy.
Sondai-aq, sarapshylardyń aitýynsha, KHDR 25 sáýirge deiin altynshy iadrolyq synaqty ótkizýi nemese zymyran ushyrýy múmkin. AQSh ókilderi bolsa "kúshpen beibitshilik ornatýǵa" jáne KHDR-ge barynsha jaýap qaitarýǵa daiyn ekenin aitty.
"Amerika arandatý áreketterin jasaityn bolsa, biz de tez arada olardy jappai talqandaimyz, jappai qyrǵyn soǵysqa jappai qyrǵyn soǵyspen, iadrolyq soǵysqa iadrolyq soqqymen jaýap beremiz", - degen edi Korei biligindegiler munyń aldynda.
