Soltústik Qazaqstan oblysynyń kásipkerleri men ardagerleri Elbasyna tezirek saýyǵyp ketýin tilep, qoldaý kórsetýde, dep habarlaidy QazAqparat.
Soltústik Qazaqstan oblysy Ardagerler keńesiniń tóraǵasy Eskendir Eleýsizov Elbasynyń tezirek saýyǵyp ketýin tileidi.
«Asa mártebeli Nursultan Ábishuly! Qyzyljar óńiriniń ardagerleri de koronovirýs pandemiiasyna bailanysty elimizde týyndaǵan qiyn jaǵdaiǵa jiti kóz tigip otyr. Jahandy dúrbeleńge salǵan indetti eńserýge biryńǵai respýblikalyq «Biz birgemiz» aktsiiasymen ún qosqanyńyz, barlyq qazaqstandyqtarǵa jetekshi partiianyń tóraǵasy retinde úndeý jariialaǵanyńyz boiǵa qýat, janǵa shýaq berýde. Koronavirýsqa orai oqshaýlanǵanyńyzǵa alańdaǵanymyzben, qashyqtan jumys isteýdi jalǵastyryp jatqanyńyzǵa qýanyp qaldyq. Dertińizden tez aiyǵýǵa shyn júrekten tilektespiz! Dana halqymyz aitqandai: «Kóptiń tilegi – kól» bolsyn!», - dep jazdy E.Eleýsizov.
«Asa qurmetti Nursultan Ábishuly! Tezirek saýyǵyp ketýińizge tilektespiz! Soltústik Qazaqstandaǵy zaýyttar sizdiń qoldaýyńyzdyń arqasynda jańadan «ómirge kelip», damyp jatyr. Bul biz úshin óte mańyzdy! Osyndai qiyn sátte sizge qoldaý kórsetemiz. Sizdiń ómirlik qýatyńyz, kúshińiz ben optimizmińiz aýrýdan ústem bolatynyna senimdimiz», - dep jazdy «Radýga» JShS bas direktory Dmitrii Sharapaev.
Óz kezeginde, «Zenchenko i K» sharýa qojalyǵynyń direktory Gennadii Zenchenko ákesiniń Tuńǵysh Prezidentpen dos bolǵanyn únemi maqtan tutanynyn eske aldy.
«Sizge jáne otbasyńyzǵa osyndai qiyn kúnderi shyn júregimmen qoldaý kórsetemin! Ómirlik energiiańyzdyń arqasynda aýrýdy jeńip, Otanymyz – Qazaqstan Respýblikasynyń igiligi úshin qyzmetińizge qaita oralatynyńyzǵa senimdimin. Tolyqtai tezirek saýyǵyp ketýińizge tilektespin!», - dep jazdy G. Zenchenko.
.jpeg)