Petropavl qalasynyń mańynda muz qatqan kólden 10 aqqý qutqaryldy, dep habarlaidy "Ult aqparat".
Bul týraly QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń baspasóz hatshysy Sáken Dildahmet Facebook-te jazdy.
«2019 jyldyń 12 qarashasynda Petropavl qalasynyń mańynda Soltústik Qazaqstan oblystyq orman jáne janýarlar dúniesi aýmaqtyq inspektsiiasynyń memlekettik inspektorlary muzdana bastaǵan sý qoimasynan 10 aqqýdy qutqardy. Inspektorlar tótenshe jaǵdailar qyzmetkerlerimen birge qustardy muz qatpaǵan «Beloe» kóline jiberdi. Aýmaqtyq orman jáne janýarlar dúniesi aýmaqtyq inspektsiiasy óńirdegi mundai jaǵdailarǵa turaqty monitoring júrgizedi. Jyl saiyn qys túskende tabiǵat inspektorlary júzdegen jabaiy ańdardy qutqarady», - delingen habarlamada.
