Kórneki sýret: pikabu.ru
Soltústik Qazaqstanda sanitar dárigerler mektep ashanalarynan ishek taiaqshasyn tapqan. Sondai-aq, ashanalarda arnaiy retsept pen tehnologiiany saqtamai balalarǵa tamaq ázirlegeni anyqtaldy, - dep habarlaidy Tengrinews.kz agenttigi "Astana" telearnasyna silteme jasap.
Mektepterdegi 169 tamaqtandyrý pýnktiniń jartysyna jýyǵy zańdy buzyp, jumys istegen. Kásipkerlerge jalpy somasy toǵyz million teńgeden asa aiyppul salyndy.
"Ishek taiaqshasyna qarsy jýý jáne dezinfektsiialaý sapasyn tekserý úshin 2792 jabdyq pen ydys tańdaldy. 122 zatta ishek taiaqshasy bary anyqtaldy. Iaǵni, dezinfektsiialaý normalary saqtalmaǵan. Sonymen qatar, saraptama nátijesinde mázirde balalardyń fiziologiialyq qajettilikteri eskerilmegeni baiqaldy. Mekteptiń kópshiliginde oqýshylar kómirsýlarmen tamaqtanaty nemese olarǵa portsiialar az mólsherde beriletini anyqtaldy", - dedi Soltústik Qazaqstan oblysy SEBD basshysynyń orynbasary Tatiana Gorlova.
