Petropavl qalasynyń turǵyndary, qoǵamdyq uiym ókilderi saiasi qýǵyn-súrgin bozdaqtaryn eske alý rásimin Pogodin atyndaǵy orys drama teatry janyndaǵy skverge gúl shoqtaryn qoiýdan bastady.
Azaly mýzyka oinalyp, bir minýttyq únsizdik jariialandy. Jurtshylyq aldynda oblystyq máslihattyń hatshysy Vladimir Býbenko sóz sóilep, Elbasy Nursultan Nazarbaevtyń Jarlyǵymen 31 mamyr saiasi qýǵyn-súrgin qurbandaryn eske alý kúni bolyp belgilengenin, Qyzyljar óńirinen 7614 adamnyń «halyq jýy» atanyp, túrli jazalaýlarǵa ushyraǵanyn jetkizdi. Olardyń arasynda Úkili Ybyrai, Maǵjan Jumabaev, Smaǵul Sádýaqasov, Nyǵmet Syrǵabekov, Qaisar Táshitov, Ǵabbas Toǵjanov, Jumaǵali Tileýsin sekildi elge belgili jerlesterimiz bar.
«Óńirde «Pamiat» qoǵamdyq qory 14 jyldan beri jumys istep keledi. Onyń bastamasymen jazyqsyz japa shekken arystarymyzdyń esimderi jazylǵan memorialdyq taqta, basqa respýblikalardan kúshtep qonys aýdarylǵandar men ashtyqtyń azabyn tartqandarǵa arnap eskertkish ornatyldy. Naq osy jerde NKVD-nyń eki qabatty ǵimaraty bolyp, tutqynǵa alynǵan jerlesterimiz osynda aýyr azap shekken.
Bolashaqta mýzei ashýdy josparlap otyrmyz. Ondaǵy maqsat – ata-baba rýhyna taǵzym etý, tarihymyzdyń qaraly kezeńin umytpaý, jastardyń esine salý», deidi «Pamiat» qoǵamdyq qorynyń tóraǵasy Saǵyndyqov Bolat aqsaqal.
Ómir Esqali,
