Dúisenbi túninde Amerikanyń Soltústik Karolina shtatynyń jaǵalaýynda Isaias daýyly bastaldy, dep habarlaidy "Ult aqparat" CNN-ge silteme jasap.
Atlant muhitynda qalyptasqan daýyl kezindegi jeldiń jyldamdyǵy sekýndyna 38 metrge deiin jetip otyr. Quiyn soltústik-shyǵysqa qarai bet alady degen boljam bar.
PowerOutage.US málimetinshe, 245 myńǵa jýyq úi elektr jaryǵynsyz qalǵan.
Daýyl bolatyny týraly eskertý tek Soltústik Karolinada ǵana emes, Ońtústik Karolina, sondai-aq Niý-Iork qalasynda jariialanǵan.
Meteorologtardyń málimetinshe, Niý-Iorktegi daýyl kezinde jeldiń jyldamdyǵy AQSh-ta segiz jylǵa jýyq ýaqyt buryn bolǵan «Sendi» alapat quiyny kezinde bolǵan jyldamdyqtan asýy múmkin.
