Kollaj: ulysmedia.kz
Osy jyldyń 25 men 28 shildesi arasyndaǵy Almatyda «Jara» atty halyqaralyq mýzyka festivali ótkeli jatyr. Halyqaralyq dep atalsa da, bul festivaldiń reseilik ekeni bárine aian. Kontsertke buǵan deiin Ýkrainadaǵy soǵysty qoldaityn reseilik ártisterdiń bir toby qatysqaly otyr. Bul aqparat ainalyp kelip, qoǵamnyń qarsylyǵyn týǵyzyp, festivalge shaqyrylǵanymen otandyq Orda toby men ánshi Airi oǵan qatysýdan bas tartqan. Osy kontsert jóninde suraqtar búgin úkimet kýlýarynda Mádeniet jáne sport ministri Dáýren Abaevqa qoiyldy, dep habarlaidy Ulysmedia.kz.
«Jara» festivaline sheteldik ánshilerden myna adamdar qatysady: Basta, Zivert, Dima Bilan, Artik & Asti, Sergei Lazarev, Grigorii Leps, A'Studio, Emin, Vania Dmitrienko, HammAli & Navai, Jony, ANNA ASTI, Olga Býzova, Klava Koka, Lolita, Mari Kraimbreri, Galibri & Mavik, MOT, Liýsia Chebotina, Olga Seriabkina, Habib, Pitstsa, Natan, RASA, Zvonkii, Anita Tsoi, Larisa Dolina.
«Bizge eń birinshi kezekte qatysýshylardyń kontentin qaraý kerek. Biraq qazir Qazaqstanda meniń bilýimshe, eger olar kelip, zańnamanyń bárin saqtasa (...) Bul másele ainalyp kelgende sol óńirdegi ákimdiktiń quzyretindegi sharýa. Ruqsat berý nemese bermeý máselesi», - dedi ol.
Dáýren Abaev bul suraq «ózi úshin qiyn ekenin, ony jasyrmaitynyn» atap ótti.
«Bul salmaqty másele. Qai elden bolmasyn 20 ártis keldi delik. Biz sol 20 adamnyń Ýkrainadaǵy qaqtyǵys nemese Qazaqstan jaily ne aitqanyn tekserýimiz kerek. Bizge bul jerde qandai da bir balans tabý kerek. Shartty túrde aitqanda olar zańdy túrde kelip, Qazaqstanǵa qarsy birdeńe aitar bolsa, bizge árine qaraý kerek», - dedi ministr.
«Iaǵni ministrlik Qazaqstanǵa qarsy sóz aitqan ártisterdiń tizimin jasaýǵa ázir me?» degen suraqqa Abaev "joq" dep jaýap berdi.
«Zańnamada biz shek qoia alatyndai norma joq. Bul tsenzýraǵa ainalady...
Bizdiń azamattar aitqysy kelgenin aityp, petitsiia jazýǵa quqyly. Memleket ol petitsiiaǵa qulaq asýy tiis. Qoǵamdyq rezonans týsa, biz oǵan jaýap berýge mindettimiz», - dedi ol.
