كوللاج: ulysmedia.kz
وسى جىلدىڭ 25 مەن 28 شٸلدەسٸ اراسىنداعى الماتىدا «جارا» اتتى حالىقارالىق مۋزىكا فەستيۆالٸ ٶتكەلٸ جاتىر. حالىقارالىق دەپ اتالسا دا, بۇل فەستيۆالدٸڭ رەسەيلٸك ەكەنٸ بەرٸنە ايان. كونتسەرتكە بۇعان دەيٸن ۋكرايناداعى سوعىستى قولدايتىن رەسەيلٸك ەرتٸستەردٸڭ بٸر توبى قاتىسقالى وتىر. بۇل اقپارات اينالىپ كەلٸپ, قوعامنىڭ قارسىلىعىن تۋعىزىپ, فەستيۆالگە شاقىرىلعانىمەن وتاندىق وردا توبى مەن ەنشٸ ايري وعان قاتىسۋدان باس تارتقان. وسى كونتسەرت جٶنٸندە سۇراقتار بٷگٸن ٷكٸمەت كۋلۋارىندا مەدەنيەت جەنە سپورت مينيسترٸ دەۋرەن اباەۆقا قويىلدى, دەپ حابارلايدى Ulysmedia.kz.
«جارا» فەستيۆالٸنە شەتەلدٸك ەنشٸلەردەن مىنا ادامدار قاتىسادى: باستا, Zivert, ديما بيلان, Artik & Asti, سەرگەي لازارەۆ, گريگوريي لەپس, A'Studio, Emin, ۆانيا دميتريەنكو, HammAli & Navai, Jony, ANNA ASTI, ولگا بۋزوۆا, كلاۆا كوكا, لوليتا, ماري كرايمبرەري, Galibri & Mavik, MOT, ليۋسيا چەبوتينا, ولگا سەريابكينا, حابيب, پيتستسا, ناتان, RASA, زۆونكيي, انيتا تسوي, لاريسا دولينا.
«بٸزگە ەڭ بٸرٸنشٸ كەزەكتە قاتىسۋشىلاردىڭ كونتەنتٸن قاراۋ كەرەك. بٸراق قازٸر قازاقستاندا مەنٸڭ بٸلۋٸمشە, ەگەر ولار كەلٸپ, زاڭنامانىڭ بەرٸن ساقتاسا (...) بۇل مەسەلە اينالىپ كەلگەندە سول ٶڭٸردەگٸ ەكٸمدٸكتٸڭ قۇزىرەتٸندەگٸ شارۋا. رۇقسات بەرۋ نەمەسە بەرمەۋ مەسەلەسٸ», - دەدٸ ول.
دەۋرەن اباەۆ بۇل سۇراق «ٶزٸ ٷشٸن قيىن ەكەنٸن, ونى جاسىرمايتىنىن» اتاپ ٶتتٸ.
«بۇل سالماقتى مەسەلە. قاي ەلدەن بولماسىن 20 ەرتٸس كەلدٸ دەلٸك. بٸز سول 20 ادامنىڭ ۋكرايناداعى قاقتىعىس نەمەسە قازاقستان جايلى نە ايتقانىن تەكسەرۋٸمٸز كەرەك. بٸزگە بۇل جەردە قانداي دا بٸر بالانس تابۋ كەرەك. شارتتى تٷردە ايتقاندا ولار زاڭدى تٷردە كەلٸپ, قازاقستانعا قارسى بٸردەڭە ايتار بولسا, بٸزگە ەرينە قاراۋ كەرەك», - دەدٸ مينيستر.
«ياعني مينيسترلٸك قازاقستانعا قارسى سٶز ايتقان ەرتٸستەردٸڭ تٸزٸمٸن جاساۋعا ەزٸر مە?» دەگەن سۇراققا اباەۆ "جوق" دەپ جاۋاپ بەردٸ.
«زاڭنامادا بٸز شەك قويا الاتىنداي نورما جوق. بۇل تسەنزۋراعا اينالادى...
بٸزدٸڭ ازاماتتار ايتقىسى كەلگەنٸن ايتىپ, پەتيتسييا جازۋعا قۇقىلى. مەملەكەت ول پەتيتسيياعا قۇلاق اسۋى تيٸس. قوعامدىق رەزونانس تۋسا, بٸز وعان جاۋاپ بەرۋگە مٸندەتتٸمٸز», - دەدٸ ول.
