Úkimettiń baspasóz ortalyǵynda ótken brifingten soń Ulttyq ekonomika ministri Timýr Súleimenov sógis jariialanǵan basshylar qomaqty qarajattan qaǵylǵanyn málim etti, dep habarlaidy Baq.kz agenttigi.
Ótken aptada Aqordada Memleket basshysy Nursultan Nazarbaev Qaýipsizdik Keńesiniń kezekti otyrysynda elektr jáne jylý energiialarynyń qoldanystaǵy tarifi men energetikalyq qyzmet naryǵyndaǵy baǵasy máselesi qaraldy. Jiynda Elbasy Nursultan Nazarbaev QR UEM Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komitetiniń tóraǵasy Azamat Maitievke sógis jariialady.
Al búgin Úkimet otyrysynda QR premer-ministri Baqytjan Saǵyntaev Ulttyq ekonomika vitse-ministri Serik Jumanǵaringe sógis jariialady.
Sondai-aq QR Ulttyq ekonomika ministri Timýr Súleimenov Úkimet basshysyna tarif baǵalaryn negizgiz ósirýge jol bergen Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komitetiniń aýmaqtyq departamentteriniń 10 basshysyna sógis jariialanǵanyn, ári komitettiń 1 aýmaqtyq departmentiniń direktory qyzmetinen bosatylǵanyn aitty.
Osy oraida ministr atalǵan komitettiń 4 departamentine qatysty qylmystyq is qozǵalǵanyn jetkizdi.
Úkimettiń baspasóz ortalyǵynda ótken brifingten soń Timýr Súleimenov sógis jariialanǵan basshylardyń qomaqty syiaqydan
«Bul óte aýyr. Sebebi, memlekettik qyzmetker tek jalaqymen kún kóredi. Keiin on úshinshi jalaqysyn alýy múmkin. Keiin prezidenttiń premiiasy bar. Sógis jariialanǵan soń, olar barlyq qosymsha syiaqydan qaǵylyp otyr. Ol – qomaqty qarajat. Qazirgi tańda olarǵa «sary qaǵaz» kórsetilip tur ǵoi», - dedi ministr jýrnalisterge.
Alaida vedomstvo basshysy BAQ ókilderine qomaqty qarajattyń mólsherin ashyp aitpady.
