Almatydaǵy taý-shańǵy kýrorttarynyń birindegi oqiǵa kelýshilerdiń nazaryn aýdardy. Qazaqtyń ulttyq kiimin kigen boijetken snoýbordpen qarly betkeiden túsip, dástúr men zamanaýi sportty úilestire bildi.
Kýágerler onyń obrazyn airyqsha ári kóz tartarlyq dep baǵalady. Ulttyq kiim, sándi oiýmen bezendirilgen kamzol men bas kiim aq qardyń aiasynda erekshe kórindi. Kiimniń kólemdiligine qaramastan, boijetken snoýbordty senimdi basqaryp, qar betkeiin sheber eńserip, kórermenderdiń rizashylyǵyna bólendi.
