Májilis depýtaty Snejanna Imasheva «Janýarlarǵa jaýapkershilikpen qaraý týraly» zań jobasyn ázirleýdiń qajettigine qatysty túsinik berdi, dep habarlaidy QazAqparat.
Aita keteiik, QR Parlamenti Májilisiniń bir top depýtattary ázirlegen osy zań jobasy qoǵamdyq talqylaýdan ótip jatyr.
Bul qujat Úkimettiń qaraýynda.
«Birazdan beri janýarlardy qorǵaýǵa qatysty qoǵamda úndeý jasalyp keledi. Osy oraida buqaralyq aqparat quraldarynda túrli pikirler de jariialanyp keledi. Olardyń barlyǵy janýarlarǵa qatysty qatygezdikke tyiym salatyn tiisti zańnamanyń joqtyǵyn atap ótti. Bizde jaýapkershilik pen qylmystyq jaza qarastyrylǵan. Atap aitqanda, tiisti zań jobasyn mamandar, sarapshylar usynǵan edi, alaida bul baǵyttaǵy qadamdarda ilgerileý bolmady. Sondyqtan qoǵamdaǵy úndeýlerdi eskere otyryp, áriptesterimizben osy zań jobasyna bastamashy bolý sheshimin jasadyq», - dep túsindirdi depýtat onlain rejimde ótken talqylaýda.
Onyń atap ótýinshe, zań jobasy uzaq talqylandy.
«Bul óte sapaly qujat. Ondaǵy qaǵidalar uzaq talqylanǵanyn atap ótken jón. Qujat nusqasy tiisti talaptarǵa sai bolǵandyqtan, áriptesterimiz oǵan bastamashylyq etti. Meniń oiymsha, Úkimet zań jobasyna qoldaý bildiretin bolady», - dedi Snejanna Imasheva.
