Foto: t.me/konstituciyalikreforma
Májilis depýtaty Snejanna Imasheva ar-namys pen qadir-qasietti qorǵaýǵa qatysty Konstitýtsiiaǵa túzetý engizý bastamasy sóz bostandyǵyna qarsy emes, kerisinshe qarapaiym azamattardy internettegi qorlaýdan qorǵaýdy kózdeitinin aitty, dep habarlaidy Ult.kz.
"Nege bári muny birden sheneýnikterdi synaýǵa tyiym salý dep qabyldady? Múlde olai emes. Munda jalpy adam týraly aitylyp otyr. Syn men qorlaýdy ajyrata bilý kerek. Mysaly, sheneýnikterdi synaýǵa bolady. Olarǵa jaǵymsyz sózder aitýǵa bolady. Bul olardyń qadir-qasietin qorlaý bolyp sanalmaidy", – dedi ol.
Al áleýmettik jelilerdi kúnde paidalanatyn qarapaiym adamdar kóbine tek synǵa emes, naqty qorlaýǵa ushyraitynyn jetkizdi depýtat.
Sondai-aq ol ideianyń ózin emes, meni talqylai bastady dep nazyn da bildirdi. Snejanna Imasheva eger bul normanyń qabyldanýyna jýrnalister resmi túrde kelispeitinin bildirse ózgerýi nemese múlde alynyp tastalýy múmkin ekenin aitty.
"Biz muny ne úshin sizderge, jýrnalisterge aittyq? Óitkeni bul bap sóz bostandyǵyna qatysty. Sondyqtan, ótinemin, usynys berińizder", – dedi ol.
26 qańtar kúni Astanada Konstitýtsiialyq reforma máseleleri boiynsha komissiianyń ekinshi jiyny ótti. Atalǵan otyrysta Májilis depýtaty Snejana Imasheva birqatar qosymsha normalardy engizý týraly usynys aitty. Onyń pikirinshe, sóz bostandyǵy basqalardyń ar-namysy men qadir-qasietine, qoǵamnyń rýhani jáne adamgershilik qundylyqtary júiesine nemese qoǵamdyq tártipke nuqsan keltirmeýi kerek.
