Birikken Arab Ámirlikterine resmi saparmen barǵan QR Premer-Ministri Álihan Smaiylov osy eldiń isker toptar ókilderimen kelissózder júrgizdi, dep habarlaidy "Ult aqparat" Úkimettiń baspasóz qyzmetine silteme jasap.
Investorlarǵa taý-ken metallýrgiia kesheni, aýyl sharýashylyǵy, munai-gaz salasy, qurylys jáne t. b. salalardaǵy jalpy somasy $6,5 mlrd-tan astam jańadan 40 investitsiialyq jobalar tizimi usynyldy.
Álihan Smaiylov «Mubadala» tobynyń bas atqarýshy direktory Mýsabbih ál-Kaabimen kezdesti. «Mubadala» – baǵalaý aktivteri $285 mlrd-ty quraityn jáne táýelsiz qorlardyń álemdik reitingisinde 13-shi orynǵa ie memlekettik investitsiialyq-developerlik kompaniia.
Premer-Ministr QR Úkimeti birqatar baǵyttar boiynsha yntymaqtastyqty keńeitýge múddeli ekenin atap ótti.
«Energetika, himiia ónerkásibi, aýyl sharýashylyǵy, taý-ken metallýrgiia kesheni salalarynda áleýetimiz zor. Bul turǵyda álemdegi qazirgi jaǵdaidy eskere otyryp, arnaiy ázirlengen jańa jobalardy iske asyrýǵa qatysýdy usynamyn», — dedi Álihan Smaiylov.
Onyń aitýynsha, búginde Transkaspii halyqaralyq kólik baǵdary (THKB) belsendi damyp keledi. Jeke investitsiialardy tartý esebinen onyń ótkizý qabiletin arttyrý sheńberinde Kaspii teńiziniń jaǵalaýynda keme jasaý zaýytyn salý josparlanyp otyr.
Sondai-aq Premer-Ministr aýyl sharýashylyǵy, energetika jáne bank sektorynda birlesken jobalardy iske qosý perspektivalaryn atap ótti.
«Qazaqstan Úkimeti investitsiialyq ahýaldy ári qarai jaqsartady. Álemdegi daǵdarystyq qubylystarǵa qaramastan, osy jyldyń I toqsanynyń qorytyndysy boiynsha elimizge tartylǵan tikelei sheteldik investitsiialar aǵyny 54%-ǵa ósip, $6,8 mlrd-ty qurady», — dep atap kórsetken Álihan Smaiylov sheteldik seriktesterdi yntymaqtastyq úshin barlyq múmkindikterdi paidalanýǵa shaqyrdy.
Óz kezeginde Mýsabbih ál-Kaabi «Mubadala» kompaniiasy Qazaqstanda investitsiialyq jobalardy iske qosý múmkindikterin jan-jaqty qarastyryp jatqanyn aitty. Atap aitqanda, jasyl energetika, qarjy, taý-ken metallýrgiiasy, munai jáne gaz salalarynda yntymaqtastyqqa qyzyǵýshylyq tanytýda.
Sonymen qatar Premer-Ministr «ADQ» kompaniiasynyń basqarýshy jáne bas atqarýshy direktory Muhammed ál-Sýveidimen kelissóz júrgizdi. «ADQ» – 90-nan astam kompaniiaǵa tikelei jáne janama investitsiialar quiǵan óńirdegi iri holding kompaniialardyń biri.
«Bul holdingtiń qyzmet salasy óte aýqymdy, aýyl sharýashylyǵy, ónerkásip, logistika, densaýlyq saqtaý jáne t.b. salalardy qamtidy. Olardyń barlyǵy biz úshin basym baǵyttar», — dep atap ótti Álihan Smaiylov.
Qazirgi ýaqytta «Báiterek» holdingi AÓK salasynda $100 mln-dy quraityn áleýetti jobalardyń tizimin jasady. Osyǵan bailanysty Premer-Ministr «ADQ» basshylyǵyna olardy iske asyrýǵa, sonyń ishinde qant indýstriiasyn damytýǵa qatysý múmkindigin qarastyrýdy usyndy.
«Álem boiynsha azyq-túlik baǵasynyń ósýi baiqalyp otyrǵanda, mundai jobalardyń mańyzy erekshe», — dep atap ótti Álihan Smaiylov.
Óz kezeginde Muhammed ál-Sýveidi usynylǵan múmkindikter úshin qazaqstandyq delegatsiiaǵa alǵysyn bildirip, farmatsevtika salasyna, azyq-túlik taýarlaryn óndirýge, logistikalyq baǵyttardy damytýǵa jáne jańartylatyn energetikaǵa erekshe qyzyǵýshylyq tanytatynyn atap ótti.
Sonymen qatar Álihan Smaiylov «Ayana Holding» kompaniiasynyń tóraǵasy Abdýlla ben Lahedjben kezdesti, onda qurylys salasyndaǵy jobalardy iske asyrý máseleleri talqylandy.
Kezdesýlerdiń qorytyndysy boiynsha QR Premer-Ministriniń qatysýymen ekonomikanyń túrli sektorlarynda jalpy somasy $900 mln bolatyn birqatar ekijaqty kommertsiialyq qujattarǵa qol qoiyldy. Onyń ishinde:
«Citix» JShS men «The Gulf Foundation» arasyndaǵy BAÁ-de innovatsiialyq jáne IT-sheshimderdi qurý jobasyn iske asyrýǵa «SmartCity&Adtech» keshendi sheshimi týraly kelisimshart;
Astana qalasynda jekemenshik mektep salý boiynsha «BI Group» jáne «International Community Schools» arasyndaǵy ózara túsinistik týraly memorandým;
Aqtóbe qalasynda jekemenshik mektep salý boiynsha «Erýdit Biznes» JShS jáne «International Community Schools» arasyndaǵy ózara túsinistik týraly memorandým;
«KazakhAgroExport» JShS jáne «Health Plus General Trading LLC» arasyndaǵy BAÁ-ge et ónimderin jetkizý jónindegi eksporttyq kelisimshart;
«Optograd» JShS men «Laser Meat Trading Est» arasyndaǵy BAÁ-ge qoi etin jetkizý jónindegi eksporttyq kelisimshart;
«QazStandart» RMK jáne «GulfTIC» arasyndaǵy Parsy shyǵanaǵy elderine eksporttaý úshin qazaqstandyq ónimdi sertifikattaý salasyndaǵy yntymaqtastyq týraly ózara túsinistik týraly memorandým jáne t.b qujattar.
