Premer-ministr Álihan Smaiylov Tengrinews.kz tilshisine bergen suhbatynda Prezidenttiń synyna qatysty pikirin bildirdi.
Prezident Úkimetke bergen keibir tapsyrmalary keshiktirilip jatatyny jaily birneshe ret aitqan bolatyn. Premer-ministr munyń sebebin túsindirip berdi.
"Aita ketý kerek, jyldyń basynan beri Memleket basshysy jańa Úkimetke 200-den asa tapsyrma berse, onyń 130-yn aiaqtadyq. Qalǵandary uzaq merzimdi bolǵandyqtan júzege asyrylyp jatyr, al keibireýleri zańnamaǵa ózgerister engizýdi talap etedi. Kez kelgen sheshim halyqaralyq tájiribeni eskere otyryp sarapshylardyń ázirleýin, azamattardyń jobalardy kórip, óz pikirin nemese usynystaryn bere alatyndai qoǵammen kelisýin talap etedi. Biz "Atameken" UKP arqyly biznes-qoǵamdastyqtyń maquldaýyn alýymyz kerek", - dedi Álihan Smaiylov.
Úkimet basshysy tez qabyldanǵan sheshim elimizdiń damýyna keri áserin tigizýi múmkin ekenin de aitty.
"Onsyz da sheshim qabyldasaq, qysqa merzimde oń nátijelerge qoljetkizermiz. Biraq biz strategiialyq turǵydan uzaq merzimdi perspektivada utylýymyz múmkin. Bul elimizdiń damýyna keri áserin tigizýi múmkin", - dedi ol.
Sonymen qatar, Smaiylov qazir sheshim qabyldaý merzimin ońtailandyryp jatqanyn da aitty.
"Atap aitqanda, zańdardy qabyldaý nemese zańnamaǵa ózgerister engizý merzimderi. Buryn alty aiǵa jýyq ýaqyt ketse, qazir merzimder úsh aiǵa deiin qysqartyldy. Biýdjettik protsedýralar qazirdiń ózinde eki ese qysqardy. Prezidenttiń debiýrokratizatsiia boiynsha tapsyrmalary aiasynda sheshim qabyldaý ýaqytyn aitarlyqtai qysqarttyq. Barlyq sheshimderimiz teńdestirilgen, negizdelgen jáne zerttelgen bolýy kerek", - deidi Premer-ministr.
Suhbattyń tolyq nusqasyn myna siltemeden oqi alasyzdar.
