QR Premer-Ministri Álihan Smaiylov Astana Finance Days 2022 konferentsiiasynyń «Energetikalyq jáne azyq-túlik ornyqtylyǵyna investitsiialar. Qazaqstandyq keis» paneldik sessiiasynda sóz sóiledi, - dep habarlaidy primeminister.kz.
Is-sharaǵa QR Prezidenti janyndaǵy Joǵary Keńes tóraǵasynyń reformalar jónindegi orynbasary Ser Sýma Chakrabarti, AHQO basqarýshysy Qairat Kelimbetov, Energetika ministri Bolat Aqsholaqov, Condor Petroleum Inc. kompaniiasynyń basqarýshy direktory Norman Storm, Çalik Holding-tiń Qazaqstandaǵy aimaqtyq direktory Kenan Akkirman jáne t.b. qatysty.
Álihan Smaiylov óz sózinde kómirsýtekter men azyq-túliktiń álemdik naryqtaǵy baǵasy tarihi eń joǵary deńgeige jetkenin, bul kóptegen elderde, sonyń ishinde Qazaqstanda da adamdardyń ómir súrý sapasyna áser etetinin atap ótti.
«Osyny túsine otyryp, biz Qazaqstan Prezidenti Qasym-Jomart Toqaevtyń bastamasymen biyl qolǵa alynǵan saiasi reformalardyń der kezinde júrgizilip jatqanyn baǵalai alamyz. Saiyp kelgende, bul reformalar memlekettegi tereń ekonomikalyq ózgeristerge alyp keledi», — dedi QR Premer-Ministri.
Úkimet basshysy Qazaqstan myqty saiasi jáne ekonomikalyq bazaǵa ie bola otyryp, EAEO men Qytaidy qamtityn kólemi 1 mlrd-tan astam áleýetti tutynýshysy bar iri álemdik naryqtarǵa shyǵatyn «qaqpa» ekenin jáne Ortalyq Aziiadaǵy tranzittik hab bolyp sanalatynyn atap ótti.
Táýelsizdik jyldary elimizge $390 mlrd tikelei sheteldik investitsiia tartyldy, onyń basym bóligi sońǵy 10 jylda salynǵan.
Máselen, 2021 jyly investitsiialardyń jalpy aǵyny $24 mlrd-ty qurady, bul aldyńǵy jylmen salystyrǵanda 38%-ǵa artyq. Bul rette munai jáne gaz salasyna salynǵan salymdar nebary 28%-dy ǵana qurasa, 2018-2019 jyldary olardyń úlesi 50%-ǵa teń boldy.
«Bul el ekonomikasyn ártaraptandyrý belsendi júrip jatqanyn kórsetedi. Shikizat taýarlary baǵasyna qatysty jahandyq betburysty nazarǵa ala otyryp, energetikadaǵy jáne aýyl sharýashylyǵyndaǵy múmkindikterimizdi kóbirek zerdeleýimiz qajet», — dedi Álihan Smaiylov.
Premer-Ministrdiń aitýynsha, eleýli tabiǵi qorlary bar elimiz álemdik taýar naryqtarynyń mańyzdy jetkizýshisine ainalady. Sonymen qatar Qazaqstan aýyl sharýashylyǵy alqaptarynyń aýdany boiynsha álemde 6-shy orynda.
«Joǵary qaita óńdelgen ónimder shyǵarýǵa investitsiialar tartý úshin eki sektordyń da basymdyǵy joǵary. Osyǵan bailanysty Úkimet Qazaqstanǵa keletin investorlarǵa qolaily jaǵdai jasap, keshendi qoldaý kórsetedi», — dep atap ótti Premer-Ministr.
Qazirgi ýaqytta Qazaqstanda jeńildetilgen investitsiialyq rejim kózdelgen 13 arnaiy ekonomikalyq jáne 36 indýstriialyq aimaq bar.
Budan basqa, jalpy aǵylshyn quqyǵy rejimi esebinen búkil álemnen investorlardy tartý orny bolyp sanalatyn «Astana» halyqaralyq qarjy ortalyǵy jumys istep tur.
«Úkimet sheteldik investorlardy kelisimsharttar jasasýǵa jáne jańa jobalardy iske asyrýǵa shaqyrady. Biz investorlardyń múddeleriniń barynsha eskeriletinine kepildik beremiz», — dedi túiindedi Álihan Smaiylov.
Aita keteiik, 27-29 maýsymda «Astana» halyqaralyq qarjy ortalyǵy turaqty damý, áleýmettik jaýapkershilik jáne ósý máselelerine arnalǵan «Astana Finance Days» V konferentsiiasyn ótkizýde.
Astana Finance Days – óńirdegi qarjy salasyndaǵy eń iri konferentsiialardyń biri. Sońǵy tórt jyl ishinde konferentsiiaǵa 100-den astam elden 15000-nan astam qatysýshy keldi.
