QR Premer-Ministri Álihan Smaiylov Shell kompaniiasynyń atqarýshy vitse-prezidenti Piter Kostellomen kezdesti, dep habarlaidy primeminister.kz.
Kezdesý barysynda Qazaqstan men SHELL kompaniiasynyń arasynda investitsiia tartý, sondai-aq energetika salasyndaǵy birlesken jobalardy iske asyrý boiynsha yntymaqtastyqty damytý máselesi qaraldy.
Atap aitqanda, taraptar ótken jylǵy jumys qorytyndylary men 2022 jylǵa arnalǵan josparlardy talqylady.
«Bizdiń yntymaqtastyǵymyz aldymyzda turǵan mindetterdi, birinshi kezekte jahandyq syn-qaterlerdi eńserýge, sondai-aq ózara tiimdi qarym-qatynastardy odan ári damytýǵa yqpal etedi», — dedi QR Premer-Ministri Smaiylov.
Óz kezeginde Piter Kostello Qazaqstan «Shell» kompaniiasynyń strategiialyq seriktesi ekenin atap ótti. Ekijaqty ózara tiimdi jumys odan ári jalǵasady.
Munai-gaz salasynyń investitsiialyq tartymdylyǵyn arttyrý maqsatynda QR Premer-Ministri Úkimet Sheteldik investorlar keńesiniń qazaqstandyq qaýymdastyǵymen birlesip jaqsartylǵan modeldik kelisimshartty engizý boiynsha jumys júrgizip jatqanyn habarlady.
Bul kelisimshart fiskaldyq jáne retteýshilik preferentsiialar paketimen birge jańa teńiz jobalaryna, qurlyqtaǵy kúrdeli jobalarǵa jáne gaz jobalaryna qoldanylatyn bolady.
«Qazirgi ýaqytta biz qoldanystaǵy zańnamaǵa tiisti ózgerister engizý boiynsha jumys istep jatyrmyz. Qazaqstandaǵy munai-gaz jobalaryn damytý bizdiń strategiialyq áriptesterimiz úshin odan da tartymdy bolatynyna senimdimiz», — dedi Smaiylov.
