Foto: primeminister.kz
1 naýryzda Premer-ministr Álihan Smaiylov QHR-dyń Qazaqstandaǵy tótenshe jáne ókiletti elshisi Chjan Siaomen kezdesý ótkizdi, - dep habarlaidy "Ult aqparat" primeminister.kz saityna silteme jasap.
Taraptar saýda-sattyq, investitsiialar tartý, ónerkásip, energetika, aýyl sharýashylyǵy, kólik jáne logistika, tsifrlyq tehnologiialar, transshekaralyq ózenderdi paidalaný jáne t.b. salalardaǵy memleketaralyq yntymaqtastyqtyń keń aýqymdy máselelerin talqylady.
Premer-ministr Qazaqstannyń jalpy taýar ainalymynyń 18 paiyzyn quraityn Qytai elimizdiń iri saýda seriktesteriniń biri ekenin atap ótti. Sondai-aq, QHR memleketimizdiń ekonomikasyna investitsiia salatyn TOP-5 eldiń qataryna kiredi.
Sonymen qatar Álihan Smaiylov Qazaqstan Úkimeti eki el basshylarynyń 2030 jylǵa qarai ózara saýdany 35 milliard dollarǵa deiin ulǵaitý jónindegi tapsyrmasyn oryndaý maqsatynda belsendi túrde jumys júrgizýge daiyn ekenin atap ótti.
"Bizdiń elderimizdiń aýyl sharýashylyǵy ónimderin jetkizý salasynda aitarlyqtai áleýeti bar. Qazaqstandyq kásiporyndar Qytaiǵa azyq-túlik taýarlarynyń eksportyn odan ári arttyrǵysy keledi. Osyǵan bailanysty saýda-sattyqqa qatysty kedergiler men shekteýlerdi ári qarai alyp tastaý mańyzdy bolyp otyr", - dedi Premer-ministr.
Óz kezeginde Chjan Siao qytailyq taraptyń Qazaqstannan aýyl sharýashylyǵy ónimderin importtaýǵa, temirjol tasymaly kólemin ulǵaitýǵa, IT-sektordaǵy óńiraralyq ózara is-qimyl men áriptestikti nyǵaitýǵa múddeli ekenin bildirdi. Onyń aitýynsha, qazirgi ýaqytta qazaqstandyq kompaniialarǵa Qytaidyń iri saýda platformalaryna jáne jalpy QHR naryǵyna shyǵýǵa belsendi kómek kórsetilip jatyr.
"Biz ekonomikalyq qarym-qatynastarymyzdy sapaly jańa deńgeige shyǵarý úshin zor áleýet bar dep sanaimyz. Aldymyzǵa jańa, biik maqsattar qoiýymyz kerek", - dedi Chjan Siao.
Kezdesý barysynda taraptar "Qorǵas" ShYHO-nyń jumysyn qalpyna keltirý, "Baqty-Pokitý" avtomobil ótkizý beketi aýdanynda úshinshi temirjol ótkelin ashý, Transkaspii halyqaralyq iri avtomobil joldaryn salý jáne mashina jasaý salasynda jańa óndiristerdi qurý máselelerin qozǵady.
Sonymen qatar, taiaý bolashaqta Astana men Beijiń arasynda aptasyna úsh reis jiiligimen áýeqatynasyn qalpyna keltirý jáne azamattardyń ózara saparlary kezindegi rásimderdi ońailatý josparlanyp otyrǵany atap ótildi.
Taraptar kezdesý qorytyndysy boiynsha barlyq ekijaqty tiimdi baǵyttar boiynsha ózara belsendi is-qimyldy jalǵastyrýǵa daiyn ekenin rastady.
