فوتو: primeminister.kz
1 ناۋرىزدا پرەمەر-مينيستر ەليحان سمايىلوۆ قحر-دىڭ قازاقستانداعى تٶتەنشە جەنە ٶكٸلەتتٸ ەلشٸسٸ چجان سياومەن كەزدەسۋ ٶتكٸزدٸ, - دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
تاراپتار ساۋدا-ساتتىق, ينۆەستيتسييالار تارتۋ, ٶنەركەسٸپ, ەنەرگەتيكا, اۋىل شارۋاشىلىعى, كٶلٸك جەنە لوگيستيكا, تسيفرلىق تەحنولوگييالار, ترانسشەكارالىق ٶزەندەردٸ پايدالانۋ جەنە ت.ب. سالالارداعى مەملەكەتارالىق ىنتىماقتاستىقتىڭ كەڭ اۋقىمدى مەسەلەلەرٸن تالقىلادى.
پرەمەر-مينيستر قازاقستاننىڭ جالپى تاۋار اينالىمىنىڭ 18 پايىزىن قۇرايتىن قىتاي ەلٸمٸزدٸڭ ٸرٸ ساۋدا سەرٸكتەستەرٸنٸڭ بٸرٸ ەكەنٸن اتاپ ٶتتٸ. سونداي-اق, قحر مەملەكەتٸمٸزدٸڭ ەكونوميكاسىنا ينۆەستيتسييا سالاتىن توپ-5 ەلدٸڭ قاتارىنا كٸرەدٸ.
سونىمەن قاتار ەليحان سمايىلوۆ قازاقستان ٷكٸمەتٸ ەكٸ ەل باسشىلارىنىڭ 2030 جىلعا قاراي ٶزارا ساۋدانى 35 ميلليارد دوللارعا دەيٸن ۇلعايتۋ جٶنٸندەگٸ تاپسىرماسىن ورىنداۋ ماقساتىندا بەلسەندٸ تٷردە جۇمىس جٷرگٸزۋگە دايىن ەكەنٸن اتاپ ٶتتٸ.
"بٸزدٸڭ ەلدەرٸمٸزدٸڭ اۋىل شارۋاشىلىعى ٶنٸمدەرٸن جەتكٸزۋ سالاسىندا ايتارلىقتاي ەلەۋەتٸ بار. قازاقستاندىق كەسٸپورىندار قىتايعا ازىق-تٷلٸك تاۋارلارىنىڭ ەكسپورتىن ودان ەرٸ ارتتىرعىسى كەلەدٸ. وسىعان بايلانىستى ساۋدا-ساتتىققا قاتىستى كەدەرگٸلەر مەن شەكتەۋلەردٸ ەرٸ قاراي الىپ تاستاۋ ماڭىزدى بولىپ وتىر", - دەدٸ پرەمەر-مينيستر.
ٶز كەزەگٸندە چجان سياو قىتايلىق تاراپتىڭ قازاقستاننان اۋىل شارۋاشىلىعى ٶنٸمدەرٸن يمپورتتاۋعا, تەمٸرجول تاسىمالى كٶلەمٸن ۇلعايتۋعا, IT-سەكتورداعى ٶڭٸرارالىق ٶزارا ٸس-قيمىل مەن ەرٸپتەستٸكتٸ نىعايتۋعا مٷددەلٸ ەكەنٸن بٸلدٸردٸ. ونىڭ ايتۋىنشا, قازٸرگٸ ۋاقىتتا قازاقستاندىق كومپانييالارعا قىتايدىڭ ٸرٸ ساۋدا پلاتفورمالارىنا جەنە جالپى قحر نارىعىنا شىعۋعا بەلسەندٸ كٶمەك كٶرسەتٸلٸپ جاتىر.
"بٸز ەكونوميكالىق قارىم-قاتىناستارىمىزدى ساپالى جاڭا دەڭگەيگە شىعارۋ ٷشٸن زور ەلەۋەت بار دەپ سانايمىز. الدىمىزعا جاڭا, بيٸك ماقساتتار قويۋىمىز كەرەك", - دەدٸ چجان سياو.
كەزدەسۋ بارىسىندا تاراپتار "قورعاس" شىحو-نىڭ جۇمىسىن قالپىنا كەلتٸرۋ, "باقتى-پوكيتۋ" اۆتوموبيل ٶتكٸزۋ بەكەتٸ اۋدانىندا ٷشٸنشٸ تەمٸرجول ٶتكەلٸن اشۋ, ترانسكاسپيي حالىقارالىق ٸرٸ اۆتوموبيل جولدارىن سالۋ جەنە ماشينا جاساۋ سالاسىندا جاڭا ٶندٸرٸستەردٸ قۇرۋ مەسەلەلەرٸن قوزعادى.
سونىمەن قاتار, تاياۋ بولاشاقتا استانا مەن بەيجٸڭ اراسىندا اپتاسىنا ٷش رەيس جيٸلٸگٸمەن ەۋەقاتىناسىن قالپىنا كەلتٸرۋ جەنە ازاماتتاردىڭ ٶزارا ساپارلارى كەزٸندەگٸ رەسٸمدەردٸ وڭايلاتۋ جوسپارلانىپ وتىرعانى اتاپ ٶتٸلدٸ.
تاراپتار كەزدەسۋ قورىتىندىسى بويىنشا بارلىق ەكٸجاقتى تيٸمدٸ باعىتتار بويىنشا ٶزارا بەلسەندٸ ٸس-قيمىلدى جالعاستىرۋعا دايىن ەكەنٸن راستادى.
