QR Premer-Ministri Álihan Smaiylov eldegi epidahýaldyń turaqtanaýyna kásipkerlerdiń de jaýapty ekenin eske saldy, dep habarlaidy QazAqparat.
«Koronavirýsqa qatysty jaǵdai áli de turaqtalmai tur. Indettiń taralý deńgeii áli de joǵary. Óńirlerdiń basym bóligi «qyzyl» aimaqta. Aýyrýdyń eń joǵary deńgeii Pavlodar, Aqmola jáne Soltústik Qazaqstan oblystarynda tirkelip otyr. Sondyqtan eidemiologiialyq jaǵdaidy ári qarai baqylaýda ustaý qajet. Memleket basshysynyń tapsyrmasy boiynsha biznestiń damýyna kedergi keltirmeý úshin karantindik shekteýler qaita qaralyp, azaityldy. Biraq bosańsýǵa bolmaidy. «Atameken» palatasy sanitarlyq-epidemiologiialyq talaptardy saqtaý boiynsha áleýmettik jaýapkershilik turǵysynan jumys júrgizgeni jón», - dedi Úkimet basyshsy.
Onyń aitýynsha, bul másele boiynsha kásipkerlerdiń ózi de jumysyna asa jaýapkershilikpen qaraýǵa tiis.
«Saýda nemese tamaqtaný oryndarynda, óndiris alańdarynda koronavirýs infektsiiasynyń taralýyna jol bermeý úshin barlyq qajetti sharalar qatań saqtalýy kerek. Muny biznestiń ózi qadaǵalaýy tiis. Óitkeni áleýmettik jaýapkershilik birinshi kezektiń biznestiń ózi úshin qajet», - dedi Álihan Smaiylov.
