5 jylda 118 trln teńgege investitsiia tartylady. Bul týraly Májilistegi «Nur Otan» partiiasy parlamenttik fraktsiiasynyń keńeitilgen otyrysynda QR Premer-Ministriniń birinshi orynbasary Álihan Smaiylov aitty, dep habarlaidy QazAqparat.
«Nur Otan» partiiasynyń sailaýaldy baǵdarlamasynda qoiǵan jáne iske asyrylýy tiis biýdjet shyǵystarynyń ulǵaitýdy talap etetin mindetterdi eskere otyryp, Úkimet respýblikalyq biýdjettiń teńgerimdi bolýyn qalai qamtamasyz etedi», - dep surady depýtat Marat Qusaiynov.
Óz kezeginde QR Premer-Ministriniń birinshi orynbasary Álihan Smaiylov ótken jyly Ulttyq qor qaýipsizdik qorǵanysy retinde jumys istegenin, bul óz kezeginde áleýmettik ári epidemiologiialyq is-sharalardy iske asyrýǵa, ekonomikany, halyqty, kásipkerlerdi qoldaýǵa múmkindik bergenin atap ótti.
«Biyl ekonomikany qoldaý úshin tiisti sharalar qabyldaý qajettigi týyndaýy múmkin. Sebebi koronavirýsqa bailanysty shekteý qadamdary jalǵasyp keledi. Sonymen birge Úkimettiń aldynda «Nur Otan» partiiasynyń sailaýaldy baǵdarlamasyn iske asyrý mindeti tur. Ol úshin qosymsha qarjylandyrý kerek. Aldymyzdaǵy bes jyldyń ishinde baǵdarlamany júzege asyrý úshin 21 trln teńge qajet. Bul turǵyda biýjettiń kiris bóligin ulǵaitý jumystary júrgiziledi. Negizinen salyq, kedendik ákimshilendirýdi ary qarai tsiflandyrý jumystary, sondai-aq «kóleńkeli» ekonomikany qysqartý boiynsha arnaiy keshendi jospardy iske asyrý esebinen bolady», - dep túsindirdi Smaiylov.
Sonymen qatar ol biýdjet shyǵystaryn ońtailandyrý jalǵasatynyn aitty.
«Sońǵy eki jylda 3,5 trln teńgege biýdjet shyǵystaryn ońtailandyrdyq. Bul jumysty jalǵastyramyz. Arnaiy ádisnama ázirlendi, aqparattyq júie Qarjy ministrliginde daiarlandy. Munymen qosa, Úkimet investitsiia tartý jumystaryn júrgizip jatyr. Aldymyzdaǵy 5 jylda 118 trln teńgege investitsiia tartylady», - dedi Premer-Ministrdiń birinshi orynbasary.
