Eldegi epidemiologiialyq ahýaldy ári qarai baqylaýda ustaý qajet. Bul týraly Úkimet otyrysynda Premer-Ministr Álihan Smaiylov aitty, dep habarlaidy QazAqparat.
«Óńirlerde koronavirýs infektsiiasy áli de órship tur. Túrkistan oblysynan basqa óńirdiń bári «qyzyl» aimaqta. Virýstyń eń kóp taralýy Aqmola, Qaraǵandy, Pavlodar oblystarynda jáne astanamyzda tirkelip otyr. Epidemiologiialyq ahýaldy ári qarai baqylaýda ustaý qajet», - dedi Úkimet basshysy.
Sonymen qatar Álihan Smaiylov koronavirýstyń taralýyna jol bermeý jónindegi vedomstvoaralyq komissiia «Atameken» palatasymen birge Memleket basshysynyń bizneske arnalǵan karantindik shekteýlerdi qaita qaraý jónindegi tapsyrmasyn eskere otyryp, tisti is-sharalardy ázirleýi kerektigin atap ótti.
«Biznestiń jumysyna bóget jasamai, týyndaǵan problemalardy birlesip sheshýimiz kerek. Densaýlyq saqtaý ministrligi men ákimdikter vaktsinalaý jáne revaktsinalaý jumystaryn kúsheitýi tiis», - degen Premer-Ministr jalpy baqylaýdy orynbasary Eraly Toǵjanovqa júktedi.
