Búgin Úkimet otyrysynda QR Premer-Ministri Álihan Smaiylov eldi mekenderdi sapaly aýyz sýmen qamtý jobalyq-smetalyq qujattaryn ýaqtyly daiyndaýdy tapsyrdy, dep habarlaidy QazAqparat.
Aita keteiik, otyrysta QR Indýstriia jáne infraqurylymdyq damý ministri Qaiyrbek Óskenbaev el turǵyndaryn sapaly aýyz sýmen qamtamasyz etý máselelerine orai baiandama jasaǵan bolatyn.
«Jospar boiynsha biz 511 aýyldy sýmen qamtamasyz etýimiz qajet. Onyń ishinde 120 eldi mekendi biyl sý kirgizemiz. Al qalǵan aýyldar boiynsha jobalyq-smetalyq qujattar daiyndalyp jatyr ma?», - dep surady Álihan Smaiylov ministrden.
Qaiyrbek Óskenbaevtyń dereginshe, qazirgi ýaqytta 69 jobalyq-smetalyq qujat ázirlenip jatyr. Qalǵan 175 joba kelesi eki jyldyń enshisinde.
«Jergilikti ákimshiliktermen jumys istep jatyrmyz. 54 eldi mekende qujattyń daiyndalmaýyna aýyz sýdy zertteý jumystary kedergi keltirip otyr. Qalǵany oryndalady», -dedi ol.
Osy oraida Premer-Ministr qajetti qujattardyń der kezinde daiyndalýy tiistigin basa aitty.
«Qujattar ýaqtyly daiyndalyp, jospar boiynsha aýyldyq eldi mekenderdi sýmen qamtamasyz etýimiz qajet», - dedi Álihan Smaiylov.
