بٷگٸن ٷكٸمەت وتىرىسىندا قر پرەمەر-مينيسترٸ ەليحان سمايىلوۆ ەلدٸ مەكەندەردٸ ساپالى اۋىز سۋمەن قامتۋ جوبالىق-سمەتالىق قۇجاتتارىن ۋاقتىلى دايىنداۋدى تاپسىردى, دەپ حابارلايدى قازاقپارات.
ايتا كەتەيٸك, وتىرىستا قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ ەل تۇرعىندارىن ساپالى اۋىز سۋمەن قامتاماسىز ەتۋ مەسەلەلەرٸنە وراي بايانداما جاساعان بولاتىن.
«جوسپار بويىنشا بٸز 511 اۋىلدى سۋمەن قامتاماسىز ەتۋٸمٸز قاجەت. ونىڭ ٸشٸندە 120 ەلدٸ مەكەندٸ بيىل سۋ كٸرگٸزەمٸز. ال قالعان اۋىلدار بويىنشا جوبالىق-سمەتالىق قۇجاتتار دايىندالىپ جاتىر ما?», - دەپ سۇرادى ەليحان سمايىلوۆ مينيستردەن.
قايىربەك ٶسكەنباەۆتىڭ دەرەگٸنشە, قازٸرگٸ ۋاقىتتا 69 جوبالىق-سمەتالىق قۇجات ەزٸرلەنٸپ جاتىر. قالعان 175 جوبا كەلەسٸ ەكٸ جىلدىڭ ەنشٸسٸندە.
«جەرگٸلٸكتٸ ەكٸمشٸلٸكتەرمەن جۇمىس ٸستەپ جاتىرمىز. 54 ەلدٸ مەكەندە قۇجاتتىڭ دايىندالماۋىنا اۋىز سۋدى زەرتتەۋ جۇمىستارى كەدەرگٸ كەلتٸرٸپ وتىر. قالعانى ورىندالادى», -دەدٸ ول.
وسى ورايدا پرەمەر-مينيستر قاجەتتٸ قۇجاتتاردىڭ دەر كەزٸندە دايىندالۋى تيٸستٸگٸن باسا ايتتى.
«قۇجاتتار ۋاقتىلى دايىندالىپ, جوسپار بويىنشا اۋىلدىق ەلدٸ مەكەندەردٸ سۋمەن قامتاماسىز ەتۋٸمٸز قاجەت», - دەدٸ ەليحان سمايىلوۆ.
