Nur-Sultan qalasy ákiminiń ákiminiń orynbasary Malika Bekturova tsifrlyq quraldar arqyly úi karantininde otyrǵandardy baqylaý tásilderin aityp berdi, dep habarlaidy "Ult aqparat".
«Biz «Smart Astana» mobildi qosymshasyn tańdadyq. Bul qosymsha úi karantinindegi adamdardyń geolokatsiiasyn anyqtaýǵa, geografiialyq ornynyń ózgergenin baqylaýǵa múmkindik beredi. Ol úshin qoldanýshy «Men karantindemin» degen fýnktsiiany qosý kerek. Tipti qoldanýshy, uialy telefonyn qaldyryp, alysqa uzap shyǵyp ketse de, qosymsha dabyl qaǵyp, sitýatsiialyq ortalyqqa habar beredi», - dedi ákim orynbasary onlain brifingte.
Onyń aitýynsha, bul joba álemniń 15-ke jýyq elderinde tabysty júzege asyrylǵan jáne Qazaqstanda da testileýden ótti.
«Biz ákimdikpen birlese jumys istedik jáne koronavirýs infektsiiasyn juqtyrǵandarmen bailanysta bolǵan adamdardy baqylaýdy kúsheittik. Bul qosymsha arqyly tur,yndardyń bas sanitar talabyn ustanǵanyn bile alamyz. Ózge elderdiń tájiribesin zerttegende, Ońtústik Koreia, Singapýrdyń monitoring arqyly virýsty taratpai ustap turǵanyn anyqtadyq. Osyndai jolmen ǵana koronavirýs infektsiiasynyń taraýyna jol bermeimiz. Dúniejúzilik densaýlyq saqtaý uiymy aitqandai, eń tiimdi emdeý joly - oqshaýlaný», - dedi QR Densaýlyq saqtaý vitse-ministri Oljas Ábishev.
Qosymsha maquldanǵan soń, karantindegi turǵyndardyń barlyǵyna júkteý mindetteledi.
QR Prezidentiniń keńesshisi Baǵdat Mýsinniń aitýynsha, IT jobany otandyq mamandar ázirlegen jáne ondaǵy jeke derekter tolyq qorǵaýǵa alynǵan.
