Soltústik Qazaqstan oblysy ákimdiginde óńir joldaryn qysta kútip ustaýǵa arnalǵa jiyn ótti, dep habarlaidy "Ult aqparat".
SQO ákimi baspasóz qyzmetiniń málimetinshe, óńirde 9 myńǵa jýyq shaqyrym jol qys boiy nazarda bolady. Onyń ishinde únemi qar alyp qalatyn 549 ýchaske bar. Joldardy kútip-ustaýǵa biyl 943 mln teńge bólingen. Bul 2018 jylmen salystyrǵanda 1,6 ese kóp.
Petropavl qalasyn qardan arshýǵa qoldanylatyn arnaiy tehnika men adamdardyń sany biyl 20% artty. Nátijesinde oblys ortalyǵynyń 300 km jolyn qamtýǵa múmkindik bar.
«Turǵyndarǵa joldardy qardan tazalaýǵa qansha qarajat, qum jumsalatyny mańyzdy emes. Olar atqarylyp jatqan jumystardyń nátijesin kórýleri tiis. Kópshilikke qoljetimdi karta jasaý kerek. Ol jerde ár turǵyn kommýnaldyq qyzmettiń jumysymen tanysyp, qai kósheniń tazalanyp jatqanyn kórýi kerek.
Merdigerlerdiń jumysyn baqylaýda ustaý qajet. Bul iske jurtshylyqty tartyp, gazon, bordiýrlerdi búldirýge jáne kóshetterdi syndyrýǵa jol bermeý kerek. PIK-ter aýlalardan qardy shyǵarady, kommýnaldyq qyzmetter ony artyp alyp ketedi. Biznes sýbektileri de óz aýmaqtarynyń taza bolýyna jaýap beredi», - dedi jiyn barysynda SQO ákimi Qumar Aqsaqalov.
