SQO Aqqaiyń aýdany politsiia bóliminiń qyzmetkerleri turǵyndardy internet-alaiaqtyqtan saqtandyrý maqsatynda arnaiy eskertý habarlandyrý beinelengen polietilen paketterdi satylymǵa shyǵardy, dep habarlaidy "Ult aqparat".
Bul bastamany belsendi azamattyq ustanymy bar jergilikti jeke kásipker Sergei Vekerle qolǵa aldy.
«Sońǵy ýaqytta joldastarymnan, tanystarymnan olarǵa alaiaqtardyń habarlasyp, kodtardy, paroldardy sondai-aq jeke basqa qatysty ózge de derekterdi suraityny týraly jii estimin. Sol sebepti bul usynysqa birden kelisimimdi berdim», — deidi jeke kásipker.
Ol birden 30 myń paketke tapsyrys bergen. Paketterdiń syrtynda internet-alaiaqtyqtyń qaýpi týraly mańyzdy aqparat jazylǵan.
Osyndai maqsatpen aýdandyq politsiia bóliminde ótken keńeste politseiler men prokýrorlar jergilikti biznes ókilderimen kezdesý ótkizdi. Taýar paketteri aqqaiyńdyq ár dúkenge taralýy úshin jiyn qatysýshylary olardy ózindik qunymen kásipkerlik bólimi arqyly satyp alý týraly kelisimge keldi.
Bul jumystar kiberalaiaqtyqtarǵa qarsy is-qimylǵa baǵyttalǵan «Anti-Fraud» jedel-profilaktikalyq is-sharasynyń sheńberinde ótkizilip otyr.
«Politsiia qyzmetkerleriniń profilaktikalyq jumys júrgizýdegi maqsaty — ailakerlerdiń qýlyqtary men alaiaqtyqtyń qaýpi jaily ár adamǵa aitý. Bizdiń qyzmetkerler atalmysh aktsiialar kezinde, úidi-úige baryp, azamattardy qulaǵdar etedi. Aýyldyq okrýgterde WhatsApp messendjerindegi chattarda eskertýler jasalyp turady» — deidi aýdandyq politsiia bóliminiń bastyǵy politsiia podpolkovnigi Álnur Ahmediiarov.
Onyń aitýynsha, jyl basynan aýdanda internet-alaiaqtyq faktileri tirkelmegen. Alaida ótken jyly qaskóilerdiń ákki áreketiniń saldarynan 9 adam zardap shekse kerek. Atalǵan qylmystyń derliginde alaiaqtar ózderin «banktenbiz» dep tanystyrǵan.
Aýdandyq politsiia bóliminiń málimetinshe, turǵyndarǵa júzdegen myńnan 3,5 million teńgege deiingi shyǵyn kelgen. Sol sebepti jergilikti politsiia qyzmetkerleri qarjylyq máselelerdi telefon arqyly sheshpeý keregin eskertedi.
«Sondai-aq áldebireýlerdiń qysym kórsetýimen nesie almańyzdar, aqsha aýdarmańyzdar. Telefondaryńyzǵa beitanys qosymshalardy ornatpańyzdar», – deidi politsiia podpolkovnigi Álnur Ahmediiarov.
