Soltústik Qazaqstan oblysynda politseiler aýyldar arasyndaǵy jolda turyp qalǵan Chevrolet Niva mashinasynyń úsh jolaýshysyn qutqardy, dep habarlaidy "Ult aqparat".
Politsiia departamentiniń aqparatyna súiensek, óńir turǵyndarynyń avtomobili Aqjar aýdanyndaǵy eldi mekenderden alysta buzylyp, jolda qalǵan.
Politseilerge tótenshe jaǵdailar departamentiniń kezekshisi qońyraý shalyp, Petropavldan Aqjar aýdanynyń Kiev aýylyna bara jatqan mashinanyń júrgizýshisi jáne eki jolaýshysynan 23:30-da habar-oshar úzilgenin aitqan. Olardyń biri 80-nen asqan ata bolǵan.
«Aqjar aýdandyq politsiia bóliminiń bastyǵy Marat Nurahmetov izdeý sharalaryn uiymdastyrdy. Belgili bolǵanyndai, mashina elsiz jerde buzylyp, óship qalǵan. Qarańǵy tún, júrgizýshi men jolaýshylardyń telefondarynyń qýaty bitip, sónip qalýy, olardy izdeýdi qiyndatty», - dep málimdedi baspasóz qyzmetiniń ókilderi.
Tańǵa qarai júrgizýshi Aqjarqyn aýylyna jetip, ózi týraly habar bere alǵan. Sonyń izi boiynsha óship qalǵan mashinany taýyp, jolaýshylardy jetkizý múmkindigi týdy.
Politseiler men qutqarýshylar aiazdy túnde jolǵa shyqpaýǵa keńes beredi.
Aldaǵy kúnderi Soltústik Qazaqstan oblysynda minýs 35-40 gradýs aiaz bolady. Olesia Jýoven
