2020 jyldyń kóktemgi sý tasqyny maýsymyna arnalǵan sońǵy gidrologiialyq boljam jariialandy, dep habarlaidy "Ult aqparat" «Qazgidromet» RMK baspasóz qyzmetine silteme jasap.
2-8 mamyr aralyǵynda Qazaqstan aimaǵynyń basym bóligi Máskeý jaqtan keletin tsiklonnyń yqpalynda bolady. Osyǵan bailanysty, naizaǵai oinap, ekpindi jel turady, burshaq jaýýy múmkin. Ońtústikte daýyl turady, shyǵysta, ońtústikte jáne ońtústik-shyǵysta kei jerlerde nóser jańbyr jaýady.
Shyǵys Qazaqstan, Almaty, Túrkistan jáne Jambyl oblystarynyń taýly jáne taý bókterindegi ózenderde sý deńgeii kóterilip, taý betkeiinde aǵyn qalyptasady.
Sodan keiin Qazaqstanǵa Jańa Jer aralynan sýyq antitsiklon taralady. Onyń kelýimen jaýyn-shashyn toqtap, aýa temperatýrasy túngi ýaqytta minýsqa deiin tómendeidi. Kezeńniń sońynda ońtústikten jyly aýa massalary kelip, temperatýra joǵarylaidy.
Qazaqstannyń kóptegen oblystarynda kóktemgi sý tasqyny kezeńi aiaqtaldy. Tek Soltústik Qazaqstan jáne Shyǵys Qazaqstan oblystarynda sý tasý aralyǵy mamyr aiynyń birinshi onkúndigine deiin jalǵasady.
Sondai-aq Aqmola oblysynyń ózenderinde kóktemgi sý tasqynynyń sharyqtaý shegi ótti. Nura jáne Esil ózenderiniń deńgeii odan ári aýytqidy dep boljanyp otyr. Bul ózenderdiń joǵarǵy jaǵyna qarai jyljý tolqyny esebinen bolady.
