2020 جىلدىڭ كٶكتەمگٸ سۋ تاسقىنى ماۋسىمىنا ارنالعان سوڭعى گيدرولوگييالىق بولجام جارييالاندى, دەپ حابارلايدى "ۇلت اقپارات" «قازگيدرومەت» رمك باسپاسٶز قىزمەتٸنە سٸلتەمە جاساپ.
2-8 مامىر ارالىعىندا قازاقستان ايماعىنىڭ باسىم بٶلٸگٸ مەسكەۋ جاقتان كەلەتٸن تسيكلوننىڭ ىقپالىندا بولادى. وسىعان بايلانىستى, نايزاعاي ويناپ, ەكپٸندٸ جەل تۇرادى, بۇرشاق جاۋۋى مٷمكٸن. وڭتٷستٸكتە داۋىل تۇرادى, شىعىستا, وڭتٷستٸكتە جەنە وڭتٷستٸك-شىعىستا كەي جەرلەردە نٶسەر جاڭبىر جاۋادى.
شىعىس قازاقستان, الماتى, تٷركٸستان جەنە جامبىل وبلىستارىنىڭ تاۋلى جەنە تاۋ بٶكتەرٸندەگٸ ٶزەندەردە سۋ دەڭگەيٸ كٶتەرٸلٸپ, تاۋ بەتكەيٸندە اعىن قالىپتاسادى.
سودان كەيٸن قازاقستانعا جاڭا جەر ارالىنان سۋىق انتيتسيكلون تارالادى. ونىڭ كەلۋٸمەن جاۋىن-شاشىن توقتاپ, اۋا تەمپەراتۋراسى تٷنگٸ ۋاقىتتا مينۋسقا دەيٸن تٶمەندەيدٸ. كەزەڭنٸڭ سوڭىندا وڭتٷستٸكتەن جىلى اۋا ماسسالارى كەلٸپ, تەمپەراتۋرا جوعارىلايدى.
قازاقستاننىڭ كٶپتەگەن وبلىستارىندا كٶكتەمگٸ سۋ تاسقىنى كەزەڭٸ اياقتالدى. تەك سولتٷستٸك قازاقستان جەنە شىعىس قازاقستان وبلىستارىندا سۋ تاسۋ ارالىعى مامىر ايىنىڭ بٸرٸنشٸ ونكٷندٸگٸنە دەيٸن جالعاسادى.
سونداي-اق اقمولا وبلىسىنىڭ ٶزەندەرٸندە كٶكتەمگٸ سۋ تاسقىنىنىڭ شارىقتاۋ شەگٸ ٶتتٸ. نۇرا جەنە ەسٸل ٶزەندەرٸنٸڭ دەڭگەيٸ ودان ەرٸ اۋىتقيدى دەپ بولجانىپ وتىر. بۇل ٶزەندەردٸڭ جوعارعى جاعىنا قاراي جىلجۋ تولقىنى ەسەبٸنەن بولادى.
