Soltústik Qazaqstan oblysy kóktemgi egis naýqanyn 5 maýsymǵa deiin aiaqtamaq. Tuqym, tehnika, dizel otyny jetkilikti, dep habarlaidy "Ult aqparat".
SQO aýyl sharýashylyǵy jáne jer qatynastary basqarmasynyń málimetinshe, sharýashylyqtar qajetti tuqymmen tolyq qamtamasyz etildi.
Jalpy kólemi 479 myń tonna, onyń ishinde dándi jáne burshaq daqyldary 387 myń tonnany, maily daqyldar 29 myń tonnany, jem-shóp 1400 tonnany, kartop 61 myń tonnany quraidy. Barlyq tuqym sapaly.
«Bizdiń oblys úshin kóktemgi egis jumystaryn júrgizýge Pavlodar jáne Atyraý munai-himiia zaýyttarynan 68,2 myń tonna arzandatylǵan dizel otyny jetkiziledi. Naýryz-sáýir ailarynda arnaiy kestege sáikes 37 myń tonna dizel otyny alyndy, olar boiynsha sharýashylyqtarmen sharttar jasaldy. Mamyr aiynda 30,9 myń tonna dizel otyny jetkiziledi dep josparlanǵan. Naýryz-mamyr ailarynda agroqurylymdar úshin dizel otynynyń sońǵy baǵasy 1 litr úshin 172 teńgeni quraidy», - deidi SQO aýyl sharýashylyǵy jáne jer qatynastary basqarmasynyń bas mamany Narǵyz Aqjigitova.
Mamannyń aitýynsha, mineraldyq tyńaitqyshtardy jetkizýshilerden satyp alýǵa jalpy kólemi 148 myń tonnanyń sharty jasaldy. Búgingi kúni zaýyttar men jetkizýshilerdiń derekteri boiynsha, 135 myń tonnanyń aqshasy tólendi jáne 93 myń tonna tielip, jóneltildi.
Óńirde egis alqaptary mineraldy tyńaitqyshtarmen baiytylyp jatyr.
Búgingi kúni topyraqqa 752 myń ga alańǵa 55 myń tonna mineraldy tyńaitqysh engizildi.
