سولتٷستٸك قازاقستان وبلىسى كٶكتەمگٸ ەگٸس ناۋقانىن 5 ماۋسىمعا دەيٸن اياقتاماق. تۇقىم, تەحنيكا, ديزەل وتىنى جەتكٸلٸكتٸ, دەپ حابارلايدى "ۇلت اقپارات".
سقو اۋىل شارۋاشىلىعى جەنە جەر قاتىناستارى باسقارماسىنىڭ مەلٸمەتٸنشە, شارۋاشىلىقتار قاجەتتٸ تۇقىممەن تولىق قامتاماسىز ەتٸلدٸ.
جالپى كٶلەمٸ 479 مىڭ توننا, ونىڭ ٸشٸندە دەندٸ جەنە بۇرشاق داقىلدارى 387 مىڭ توننانى, مايلى داقىلدار 29 مىڭ توننانى, جەم-شٶپ 1400 توننانى, كارتوپ 61 مىڭ توننانى قۇرايدى. بارلىق تۇقىم ساپالى.
«بٸزدٸڭ وبلىس ٷشٸن كٶكتەمگٸ ەگٸس جۇمىستارىن جٷرگٸزۋگە پاۆلودار جەنە اتىراۋ مۇناي-حيمييا زاۋىتتارىنان 68,2 مىڭ توننا ارزانداتىلعان ديزەل وتىنى جەتكٸزٸلەدٸ. ناۋرىز-سەۋٸر ايلارىندا ارنايى كەستەگە سەيكەس 37 مىڭ توننا ديزەل وتىنى الىندى, ولار بويىنشا شارۋاشىلىقتارمەن شارتتار جاسالدى. مامىر ايىندا 30,9 مىڭ توننا ديزەل وتىنى جەتكٸزٸلەدٸ دەپ جوسپارلانعان. ناۋرىز-مامىر ايلارىندا اگروقۇرىلىمدار ٷشٸن ديزەل وتىنىنىڭ سوڭعى باعاسى 1 ليتر ٷشٸن 172 تەڭگەنٸ قۇرايدى», - دەيدٸ سقو اۋىل شارۋاشىلىعى جەنە جەر قاتىناستارى باسقارماسىنىڭ باس مامانى نارعىز اقجٸگٸتوۆا.
ماماننىڭ ايتۋىنشا, مينەرالدىق تىڭايتقىشتاردى جەتكٸزۋشٸلەردەن ساتىپ الۋعا جالپى كٶلەمٸ 148 مىڭ توننانىڭ شارتى جاسالدى. بٷگٸنگٸ كٷنٸ زاۋىتتار مەن جەتكٸزۋشٸلەردٸڭ دەرەكتەرٸ بويىنشا, 135 مىڭ توننانىڭ اقشاسى تٶلەندٸ جەنە 93 مىڭ توننا تيەلٸپ, جٶنەلتٸلدٸ.
ٶڭٸردە ەگٸس القاپتارى مينەرالدى تىڭايتقىشتارمەن بايىتىلىپ جاتىر.
بٷگٸنگٸ كٷنٸ توپىراققا 752 مىڭ گا الاڭعا 55 مىڭ توننا مينەرالدى تىڭايتقىش ەنگٸزٸلدٸ.
