Soltústik Qazaqstan oblysynda qutqarýshylar 36 jolaýshysymen jolda qalǵan qyrǵyzstandyq nómerli avtobýsqa kómek kórsetti, dep habarlaidy "Ult aqparat".
SQO Tótenshe jaǵdailar departamenti baspasóz qyzmetiniń habarlaýynsha, Qyzyljar aýdany Sokolovka eldi mekeniniń mańynda Qyrǵyzstan Respýblikasynan Reseige bet alǵan «Setra» avtobýsy synyp qalady. Kólikte Ekaterinbýrgqa bara jatqan 36 adam, onyń ishinde 8 bala bolǵan. Eń kishkentaiy nebary 1 jas 2 aida ǵana. Qystyń kózi qyraýda jolda qalǵan jolaýshylar qutqarýshylardyń 112 nómirine habarlasyp, kómek suraǵan.
Tótenshe jaǵdai departamentiniń jedel kezekshileri birden tiisti qyzmetterdi habarlandyrdy. Oqiǵa ornyna Qyzyljar aýdandyq tótenshe jaǵdailar boiynsha bólimniń, aýdandyq ákimdiktiń mamandary jetti. Politsiia qyzmetkerlerimen birge olar jolaýshylardy Sokolov orta mektebine jetkizildi.
«Jolaýshylardy mektep ákimshiligi men «Qarlyǵash» jeke kásipkerliginiń aspazdary qarsy alyp, birden ystyq shai berdi, tamaqtandyrdy. Olar jylynǵansha kólikti jóndedik. Avtobýstyń tejegish júiesi isten shyqqan eken. Sheteldikter aýqattanyp alyp, birden jolǵa shyǵyp, bizge alǵystaryn bildirdi», - deidi SQO TJD mamandary.
