سولتٷستٸك قازاقستان وبلىسىندا قۇتقارۋشىلار 36 جولاۋشىسىمەن جولدا قالعان قىرعىزستاندىق نٶمەرلٸ اۆتوبۋسقا كٶمەك كٶرسەتتٸ, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ حابارلاۋىنشا, قىزىلجار اۋدانى سوكولوۆكا ەلدٸ مەكەنٸنٸڭ ماڭىندا قىرعىزستان رەسپۋبليكاسىنان رەسەيگە بەت العان «Setrا» اۆتوبۋسى سىنىپ قالادى. كٶلٸكتە ەكاتەرينبۋرگقا بارا جاتقان 36 ادام, ونىڭ ٸشٸندە 8 بالا بولعان. ەڭ كٸشكەنتايى نەبارى 1 جاس 2 ايدا عانا. قىستىڭ كٶزٸ قىراۋدا جولدا قالعان جولاۋشىلار قۇتقارۋشىلاردىڭ 112 نٶمٸرٸنە حابارلاسىپ, كٶمەك سۇراعان.
تٶتەنشە جاعداي دەپارتامەنتٸنٸڭ جەدەل كەزەكشٸلەرٸ بٸردەن تيٸستٸ قىزمەتتەردٸ حابارلاندىردى. وقيعا ورنىنا قىزىلجار اۋداندىق تٶتەنشە جاعدايلار بويىنشا بٶلٸمنٸڭ, اۋداندىق ەكٸمدٸكتٸڭ ماماندارى جەتتٸ. پوليتسييا قىزمەتكەرلەرٸمەن بٸرگە ولار جولاۋشىلاردى سوكولوۆ ورتا مەكتەبٸنە جەتكٸزٸلدٸ.
«جولاۋشىلاردى مەكتەپ ەكٸمشٸلٸگٸ مەن «قارلىعاش» جەكە كەسٸپكەرلٸگٸنٸڭ اسپازدارى قارسى الىپ, بٸردەن ىستىق شاي بەردٸ, تاماقتاندىردى. ولار جىلىنعانشا كٶلٸكتٸ جٶندەدٸك. اۆتوبۋستىڭ تەجەگٸش جٷيەسٸ ٸستەن شىققان ەكەن. شەتەلدٸكتەر اۋقاتتانىپ الىپ, بٸردەن جولعا شىعىپ, بٸزگە العىستارىن بٸلدٸردٸ», - دەيدٸ سقو تجد ماماندارى.
