Soltústik Qazaqstan oblysyndaǵy qatań rejimdegi koloniiada tóbeles bolyp, bir adam aýrýhananyń jansaqtaý bóliminde qaitys boldy, - dep habarlaidy "Ult aqparat" Polisia.kz Telegram arnasyna silteme jasap.
"9 qarashada SQO Aiyrtaý aýdany Novoýkrainka aýylynda ornalasqan №51 RMM tótenshe qaýipsiz mekemesinde 1994 jáne 1976 jyly týǵan sottalǵandar arasynda janjal oryn aldy. Onyń barysynda sottalǵandardyń biri ekinshisiniń basyna soqqy jasaǵan.
Saldarynan 1976 jyly týǵan jábirlenýshi Aiyrtaý aýdanynyń ortalyq aýdandyq aýrýhanasynyń jansaqtaý bólimine jatqyzylyp, esin jimastan qaitys boldy" - delingen habarlamada.
Bul derek QR QK-niń 99-babynyń 1-bóligi boiynsha (Kisi óltirý) tirkelgen.
Ustalǵan adam Aiyrtaý aýdandyq politsiia bóliminiń ýaqytsha ustaý izoliatoryna qamaldy. Tergeý áreketteri júrgizilip jatyr.
