Osydan eki jyl buryn Memleket basshysy Qasym-Jomart Toqaev saiasi qýǵyn-súrgin qurbandaryn tolyqtaý aqtaý jónindegi memlekettik komissiia týraly Jarlyq shyǵarǵan bolatyn. Qurylǵan komissiia óńirlerdi aralap, barlyq óńirde solaqai saiasattyń qurbany bolǵandardyń aqtaý jóninde keleli jiyndar ótkizip, nátijeli jumys istep keledi. Onyń birden bir kórinisi búginge deiin SQO-da tórt adam aqtalyp úlgerdi, - dep habarlaidy «Ult aqparat».
Al jalpy elimizde saiasi qýǵyn-súrgin qurbandaryn aqtaý Táýelsizdik alǵan jyldardan bastap-aq qolǵa alynǵan. 1993 jyly «Jappai saiasi qýǵyn-súrgin qurbandaryn aqtaý týraly» zań qabyldansa, 1997 jyly Elbasy N.Nazarbaevtyń Jarlyǵymen 31 mamyr Saiasi qýǵyn-súrgin qurbandaryn eske alý kúni retinde belgilendi.
Prezident jarlyǵymen qurylǵan komissiia ár óńirde jeke-jeke jumys istep, tom-tom tarihty aqtarýdy, ótkendi qaita jańǵyrtýdy bastap ta ketken. Dál osyndai maqsatta búgingi tańda Soltústik Qazaqstan oblysynda jeti top jumys istep jatyr. Soltústik Qazaqstan oblysy ákiminiń orynbasary Ǵani Nyǵmetovtyń aitýynsha, oblysta qurylǵan deti top myńdaǵan adamnyń qujatyn kóterip, derekteri teksergen.
«Ózderińizge belgili, Prezident jarlyǵymen elimiz boiynsha saiasi qýǵyn-súrgin qurbandaryn tolyqtaý aqtaý úlken komissiia jumys istep jatyr. Bizdiń oblysta da jeti top qurylyp, egjei-tegjeili jumystar atqarylýda. Qurylǵan jeti toptyń árqaisynyń óz baǵyty, óz mindeti bar. Barlyǵynyń qalaýy - meilinshe kóp málimet tabý, barynsha kóp qýǵyn-súrgin qurbandaryn aqtaý», - deidi ákimniń orynbasary.
Tyńǵylyqty jumystardyń nátijesinde taǵdyrdyń tálkegine ushyraǵan tórt adam aqtaldy, ári jumys áli de jalǵasyp jatyr. Ótken jyly el Táýelsizdiginiń 30 jyldyǵyna orai da birshama jumystar atqarylǵany belgili. Al Soltústik Qazaqstan Memlekettik arhiviniń direktory Sáýle Málikovanyń aitýynsha, óńirde 8 myńnan astam adamnyń sottalǵanyn anyqtalǵan. Onyń 200-den astamy 58-shi bappen sottalsa, anyqtalǵandardyń alty myńnan astamy aqtalmaǵan.
«Búgingi kúni konfiskatsiiaǵa ushyraǵan bailardyń qai jerden ketkeni anyqtalyp otyr. Symmen oralǵan arnaiy kontslager bolǵan. Ol Timiriazev aýdanyndaǵy Jarqyn aýylynyń janynda ornalasqan. Jáne de M.Jumabaev aýdanyndaǵy Aleksandrovka selosynda arnaiy kommendatýra qurylǵan. Atalmaǵandardyń ishinde iri bailardyń tizimi bar. Jer aýdarylǵan kýlaktardyń tizimi bar. Deportatsiialanǵan adamdardyń da qujattaryn qarap otyrmyz», - deidi Soltústik Qazaqstan Memlekettik arhiviniń direktory Sáýle Málikova.
Ǵalymdar men komissiia músheleriniń aitýynsha, saiasi qýǵyn-súrgin qurbandaryn tabý ońai emes. Olardyń kóbisi aýyldarda ustalyp kete barsa, qazir ol aýyldardyń basym kópshiligi joiylyp ketken. Al sonyń sebebinen qurbandardyń urpaqtaryn tabý odan ári qiyndai túsip otyr. Degenmen, Prezident Jarlyǵyn oryndaý úshin komissiianyń árbir múshesi tyńǵylyqty jumys istep jatqan kórinedi.
Esterińizge sala keteiik, elimizde saiasi qýǵyn-súrgin qurbandaryn aqtaý Táýelsizdik alǵan jyldardan bastap-aq qolǵa alynǵan. 1993 jyly «Jappai saiasi qýǵyn-súrgin qurbandaryn aqtaý týraly» zań qabyldansa, 1997 jyly Elbasy N.Nazarbaevtyń Jarlyǵymen 31 mamyr Saiasi qýǵyn-súrgin qurbandaryn eske alý kúni retinde belgilendi. Al osydan eki jyl buryn Memleket basshysy Qasym-Jomart Toqaev saiasi qýǵyn-súrgin qurbandaryn tolyqtaý aqtaý jónindegi memlekettik komissiia týraly Jarlyq shyǵarǵan bolatyn. Qurylǵan komissiia óńirlerdi aralap, barlyq óńirde solaqai saiasattyń qurbany bolǵandardyń aqtaý jóninde keleli jiyndar ótkizip, nátijeli jumys istep keledi.
