Bilim jáne ǵylym ministrliginiń Bilim berý salasyndaǵy sapany qamtamasyz etý departamenti qyzmettik kólikke oq atylǵanyna bailanysty pikir bildirdi, - dep habarlaidy Tengrinews.kz.
Oqiǵa demalys kúni bolǵandyqtan, áleýmettik jeli qoldanýshylary "qyzmettik kólik jumystan tys ýaqytta qandai maqsatta paidalanylǵanyn" surasyp jatyr. Huyndai Accent kóligi tirkelgen bólim júrgizýshi kólikti óz qajettiligine paidalanǵanyn aitty.
"Kóliktiń júrgizýshisi - Petropavl qalasynyń 25 jastaǵy turǵyny. Bilim berý salasyndaǵy sapany qamtamasyz etý departamentine 2021 jyly sáýirde qabyldandy. Buǵan deiin Petropavl qalasynyń TKSh bóliminde jáne Mamliýt aýdany ákiminiń apparatynda jumys tájiribesi bolǵan.
Mereke, demalys kúnderi, sondai-aq jumystan tys ýaqytta qyzmettik kólik paidalanýǵa jatpaitynyn atap ótken jón. Alaida, osy erejeler men talaptardy buzǵan júrgizýshi basshylyǵyna eskertpei, óz erkimen Maǵjan Jumabaev aýdanyna týystaryna barǵan", - dedi oblystyq Bilim berý salasyndaǵy sapany qamtamasyz etý departamentiniń basshysy Ainagúl Suraǵanova.
