Soltústik Qazaqstan oblysynda paketke salynǵan shaqalaqtyń óli denesi tabyldy, dep habarlaidy "Ult aqparat" Polisia.kz saityna silteme jasap.
25 aqpan kúni Taiynsha aýdanynyń politsiia bólimine aýdandyq aýrýhanadan Obýhovka aýylynda jańa týǵan sábidiń denesi tabylǵany týraly habarlama túsken.
«Jedel-tergeý toby oqiǵa ornyn tekserý barysynda esik aldyndaǵy qora-qopsynyń artqy jaǵyna jasyrylǵan paketten zorlyqpen óltirilgen qyz balanyń máiitin tapty. Is sotqa deiingi tergep-tekserýdiń biryńǵai tizilimine Qylmystyq kodekstiń 100-baby (Jańa týǵan balany anasynyń óltirýi) boiynsha tirkeldi. Kúdikti Obýhovka aýylynyń 1992 jyly týǵan turǵyny ekeni anyqtaldy. Ol aýdandyq aýrýhanaǵa jatqyzyldy. Ólim sebepterin anyqtaý úshin jańa týǵan náresteniń máiiti sot-meditsinalyq saraptamaǵa jiberildi», - delingen aqparatta.
