Soltústik Qazaqstan oblystyq politsiia departamentine jedel ýákilderdiń, tergeýshiler, anyqtaýshylar men ýchaskelik politsiia inspektorlarynyń bos laýazymdaryna bilikti mamandar qajet. Bul týraly politsiia departamenti ókilderi áleýmettik jelidegi tikelei efir arqyly habar taratty, - dep habarlaidy «Ult aqparat».
Petropavldyq toi uiymdastyrý isimen shuǵyldanatyn Farhat Tastanov áskeri salada qyzmet etkisi keledi. Ol úshin qandai talaptar bar, ne isteý kerek ekenin jýyrda atalǵan efir arqyly bilipti.
«Ár er azamattyń armany áskeri adam bolý, Ishki ister organdarynda qyzmet etý dep oilaimyn. Tipti jigitter muny bala kezden qalaidy. Bizdiń jaratylysymyz solai bolsa kerek. Ózim áskerge barǵanmyn. Úsh jyl kelsimishartpen áskeri qyzmet te atqarǵanmyn. Sońǵy kezde basqa salaǵa ketip, qazirgi tańda áskeri sala men tártipti saǵynyp ta júrmin. Oralsam degen oiymdy, osy tikeletsi efir qýattandyryp otyr. Qudai qalasa, kúz mezgiline qarai, áreket etetin bolamyn», - dedi Farhat.
Iá, atalǵan efir barysynda mamandar vedomstvodaǵy bos oryndar jaily jáne úmitkerlerge qandai talaptar qoiylatyndyǵyn túsindirgen. Búgingi tańda oblystyq politsiia departamentinde 2 myńnan asa politsei qyzmet etedi. Búgingi tańda jedel ýákilderdiń, tergeýshiler, anyqtaýshylar men ýchaskelik politsiia inspektorlarynyń bos laýazymdaryna bilikti mamandar qajet. Sondai-aq qatardaǵy quramǵa da qyzmetkerler kerek.
«IIO qyzmetke úmitkerlerge qoiylatyn talaptar: jasy 35-ke deiin, qyzdar úshin boiy 160 sm-den, jigitter úshin boiy 170 sm kem emes bolýy qajet (saptyq bólinisterge úmitkerler úshin boiy 175 sm joǵary bolýy tiis). Qatardaǵy quram laýazymyna orta bilim, al joǵary bilim – qyzmet baǵytyna bailanysty basshy laýazymyna talap etiledi. Sondai aq memlekettik qyzmet isteri jónindegi agenttiktiń ýákiletti organymen berilgen testileýden ótýi týraly sertifikat, densaýlyǵy boiynsha jaramdy (áskeri-dárigerlik komissiia aiqyndaidy) bolýy qajet», - dedi Kadr saiasaty basqarmasy bastyǵynyń orynbasary Rýslan Tasimov.
Sondai-aq, qoldanýshylary bastapqy oqýdan ótý jáne politsiia qyzmetkerleriniń biliktilikterin arttyrý jumys berýshi esebinen júzege asyrylady. Bul týraly Politsiia basqarmasy bastyǵynyń orynbasary Saǵyndyq Temireev aityp berdi.
«Tártip saqshylary turaqty eńbekaqymen, nysandy kiim-keshekpen, saýyqtyrý járdemaqysymen qamtamasyz etiledi. Qyzmetkerler qyzmet boiynsha ósip, vedomstvolyq emdeý mekemelerinde meditsinalyq kómekke júgine alady. Sondai-aq turǵyn úidi jalǵa alatyn bolsa, ótemaqy tólenedi. Alaida, politseilerge qoiylatyn talaptar da joǵary. Politsei zańnamany jetik bilýi tiis, shynyqqan, densaýlyǵy myqty bolýy qajet», -dedi Politsiia basqarmasy bastyǵynyń orynbasary Saǵyndyq Temireev.
Osylaisha, oblystyq jáne qalalyq kadr bólinisteriniń ókilderi jarty saǵattan asa jeli qoldanýshylaryna ishki ister organdaryna qyzmetke qabyldaý jáne ótkerý tártibi boiynsha aqyl-keńes berdi. Spikerlerdiń aitýynsha, streske tózimdi bolý, ózin-ózi únemi jetildirý – barlyq úmitkerler men politsiia qatarynda qyzmet atqaryp júrgen politseiler úshin asa mańyzdy qasiet. Búgingi tańda, jedel bólinister men ýchaskelik inspektorlar qyzmetinde bos laýazymdar kóp. Eń azy – jedel emes qyzmetter men shtab bólinisterinde.
Esterińizge sala keteiik, Soltústik Qazaqstan oblystyq politsiia departamentine jedel ýákilderdiń, tergeýshiler, anyqtaýshylar men ýchaskelik politsiia inspektorlarynyń bos laýazymdaryna bilikti mamandar qajet. Bul týraly politsiia departamenti ókilderi áleýmettik jelidegi tikelei efir arqyly habar taratty. Búgingi tańda oblystyq politsiia departamentinde 2 myńnan asa politsei qyzmet etedi. Búgingi tańda jedel ýákilderdiń, tergeýshiler, anyqtaýshylar men ýchaskelik politsiia inspektorlarynyń bos laýazymdaryna bilikti mamandar qajet. Sondai-aq qatardaǵy quramǵa da qyzmetkerler kerek.
