Kórneki foto: kuban24.tv
Soltústik Qazaqstan oblysy Shal aqyn aýdanyndaǵy Jańasý aýyly turǵyndary bir aptadan beri sýsyz otyr. Sý munarasy qatyp, isten shyqqan, dep habarlaidy Kazinform agenttigi.
Jańasý aýyly turǵyndarynyń aitýynsha, qys bastalǵaly olar sýdan mehnat kórip keledi.
Byltyr jóndeýden ótken sý munarasy eki kúnniń birinde isten shyǵady eken. Amaly quryǵan turǵyndar áleýmettik jelide beinejazba jariialap, kómek surady.
«Bir apta boldy sýsyz otyrǵanymyzǵa. Kólikteri barlar ákelip jatyr. Munarany durys istemegen, sorǵy da qoimaǵan. Bir jerden shlanga shyǵarǵan, boldy. Aldynda aqsha bólip tórt kolonka ornatamyz degen. Ákim jumys istemeidi. Únemi qatady, endi qaita iske qosý úshin qyzdyrý kerek deidi. Aýyldyń búkil jigitteri kelip qarap jatyrmyz. Osyǵan kómek kórsetseńizder», — deidi Jańasý aýylynyń turǵyny.
Shal aqyn aýdany ákimdiginiń málimetinshe, byltyr Jańasý aýylynyń sý qubyry jelilerine aǵymdaǵy jóndeý jumystary júrgizilgen.
«Sý munarasy 1970 jyly salynǵan. Búgin munara qatyp qaldy. Qazir jylytý jumystary júrgizilip jatyr. Ol erteń, iaǵni 26 qańtarda aiaqtalady», - delingen jaýapta.
