Soltústik Qazaqstan oblysynda qatty borannyń saldarynan eki aýdanda elektr qýaty óship qaldy, dep habarlaidy "Ult aqparat".
SQO tótenshe jaǵdailar departamentiniń bastyǵy Ramil Kamalovtyń aitýynsha, qalyń jaýǵan qar men ekpini sekýndyna 15-28 metrge deiin jetken jeldiń saldarynan Aqjar aýdanynda 128 úi jaryqsyz qaldy. Elektr jelisindegi apattyń saldaryn birden joiý múmkin bolmaǵan.
«Taiynsha aýdanynda da qatty borannyń saldarynan 300 shaqty úi elektr qýatynsyz qaldy. Boran tek tańǵy jaqyn ǵana basylyp, jaǵdai turaqtaldy. Qazir elektr jelisin jóndeý jumystary júrgizilip jatyr», - deidi Ramil Kamalov.
SQO-da «oiran» salǵan tsiklon Resei aýmaǵyna qarai oiysty. Bas qutqarýshynyń aitýynsha, endi borannyń arty aiazǵa ulaspaq. Arqany keńge salýǵa erte, boljam boiynsha aldaǵy kúnderi áli de boran bolýy yqtimal.
