سولتٷستٸك قازاقستان وبلىسىندا قاتتى بوراننىڭ سالدارىنان ەكٸ اۋداندا ەلەكتر قۋاتى ٶشٸپ قالدى, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸنٸڭ باستىعى راميل كامالوۆتىڭ ايتۋىنشا, قالىڭ جاۋعان قار مەن ەكپٸنٸ سەكۋندىنا 15-28 مەترگە دەيٸن جەتكەن جەلدٸڭ سالدارىنان اقجار اۋدانىندا 128 ٷي جارىقسىز قالدى. ەلەكتر جەلٸسٸندەگٸ اپاتتىڭ سالدارىن بٸردەن جويۋ مٷمكٸن بولماعان.
«تايىنشا اۋدانىندا دا قاتتى بوراننىڭ سالدارىنان 300 شاقتى ٷي ەلەكتر قۋاتىنسىز قالدى. بوران تەك تاڭعى جاقىن عانا باسىلىپ, جاعداي تۇراقتالدى. قازٸر ەلەكتر جەلٸسٸن جٶندەۋ جۇمىستارى جٷرگٸزٸلٸپ جاتىر», - دەيدٸ راميل كامالوۆ.
سقو-دا «ويران» سالعان تسيكلون رەسەي اۋماعىنا قاراي ويىستى. باس قۇتقارۋشىنىڭ ايتۋىنشا, ەندٸ بوراننىڭ ارتى ايازعا ۇلاسپاق. ارقانى كەڭگە سالۋعا ەرتە, بولجام بويىنشا الداعى كٷندەرٸ ەلٸ دە بوران بولۋى ىقتيمال.
