Soltústik Qazaqstan oblysynda birneshe stýdent uzaq merzimge páter jaldaimyz dep internet-alaiaqtarǵa aldandy, dep habarlaidy "Ult aqparat".
SQO politsiia departamenti baspasóz qyzmetiniń málimetinshe, jyl basynan Petropavlda stýdentterge qatysty jasalǵan 4 internet-alaiaqtyq faktisi tirkeldi. Barlyq jaǵdaida jábirlenýshiler OLX saity arqyly uzaq merzimge jalǵa alýǵa baspana izdestirgen. Arzan baǵaǵa qyzyqqan stýdentter kórsetilgen nómir boiynsha qońyraý shalǵan. «Páter iesi» páterin suraýshylardyń kóptigin aityp, ony tek aldyn ala tólem jasaǵanǵa ǵana jalǵa beretinin aitqan. Aram oiy joq stýdentter aqshany kórsetilgen shotqa aýdarǵan, qarajat qolǵa túsisimen «úi iesi» qońyraýlarǵa jaýap bermei, joǵalǵan. Qazirgi ýaqytta politseiler qaskóilerdi anyqtaý boiynsha jedel-izdestirý is-sharalaryn júrgizip jatyr.
Jastardy eskertý maqsatynda petropavldyq politseiler qala kolledjderiniń shákirtterimen kezdesti. Tártip saqshylary alaiaqtar jii qoldanatyn aila-tásilder jaiynda aityp, qylmystyń bul túrine qandai jaýapkershiliktiń barlyǵyn, alaiaqtarǵa kezikken kezde qandai áreket jasaý qajettigi týraly eskertti. Jastardyń suraqtaryna jaýap berip, arnaiy profilaktikalyq jadynamalar jáne býkletter taratty.
Politseilerdiń aitýynsha, ótken jylmen salystyrǵanda internet-alaiaqtyq eki ese artyp, biyl oblys ortalyǵynda 60-tan astam qylmys tirkelgen.
