سولتٷستٸك قازاقستان وبلىسىندا بٸرنەشە ستۋدەنت ۇزاق مەرزٸمگە پەتەر جالدايمىز دەپ ينتەرنەت-الاياقتارعا الداندى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, جىل باسىنان پەتروپاۆلدا ستۋدەنتتەرگە قاتىستى جاسالعان 4 ينتەرنەت-الاياقتىق فاكتٸسٸ تٸركەلدٸ. بارلىق جاعدايدا جەبٸرلەنۋشٸلەر OLX سايتى ارقىلى ۇزاق مەرزٸمگە جالعا الۋعا باسپانا ٸزدەستٸرگەن. ارزان باعاعا قىزىققان ستۋدەنتتەر كٶرسەتٸلگەن نٶمٸر بويىنشا قوڭىراۋ شالعان. «پەتەر يەسٸ» پەتەرٸن سۇراۋشىلاردىڭ كٶپتٸگٸن ايتىپ, ونى تەك الدىن الا تٶلەم جاساعانعا عانا جالعا بەرەتٸنٸن ايتقان. ارام ويى جوق ستۋدەنتتەر اقشانى كٶرسەتٸلگەن شوتقا اۋدارعان, قاراجات قولعا تٷسٸسٸمەن «ٷي يەسٸ» قوڭىراۋلارعا جاۋاپ بەرمەي, جوعالعان. قازٸرگٸ ۋاقىتتا پوليتسەيلەر قاسكٶيلەردٸ انىقتاۋ بويىنشا جەدەل-ٸزدەستٸرۋ ٸس-شارالارىن جٷرگٸزٸپ جاتىر.
جاستاردى ەسكەرتۋ ماقساتىندا پەتروپاۆلدىق پوليتسەيلەر قالا كوللەدجدەرٸنٸڭ شەكٸرتتەرٸمەن كەزدەستٸ. تەرتٸپ ساقشىلارى الاياقتار جيٸ قولداناتىن ايلا-تەسٸلدەر جايىندا ايتىپ, قىلمىستىڭ بۇل تٷرٸنە قانداي جاۋاپكەرشٸلٸكتٸڭ بارلىعىن, الاياقتارعا كەزٸككەن كەزدە قانداي ەرەكەت جاساۋ قاجەتتٸگٸ تۋرالى ەسكەرتتٸ. جاستاردىڭ سۇراقتارىنا جاۋاپ بەرٸپ, ارنايى پروفيلاكتيكالىق جادىنامالار جەنە بۋكلەتتەر تاراتتى.
پوليتسەيلەردٸڭ ايتۋىنشا, ٶتكەن جىلمەن سالىستىرعاندا ينتەرنەت-الاياقتىق ەكٸ ەسە ارتىپ, بيىل وبلىس ورتالىعىندا 60-تان استام قىلمىس تٸركەلگەن.
