Soltústik Qazaqstan oblysynda qus tumaýynyń taralýyna bailanysty M.Jumabaev aýdynyndaǵy Lebiaje eldi mekeni karantinge jabyldy, dep habarlaidy QazAqparat.
SQO veterinariia basqarmasynyń málimetinshe, 21-26 qyrkúiek aralyǵynda M.Jumabaev aýdany Lebiaje eldi mekeninde 1003 úi qusy qyryldy. Bul - jeti úidiń qusy. Negizinen 2-3 ailyq qus - sonyń ishinde 130 taýyq, 291 qaz, 582 úirek ólgen. Mamandar qustardyń óleksesin jinap alynyp, kúidirý arqyly joidy.
«Veterinarlyq qyzmet epizootiialyq zertteý júrgizildi. Ólgen qustardan material alynyp, zerthanaǵa jiberildi. 24 qyrkúiek kúni onyń qorytyndysy kelip, qus tumaýy ekeni rastaldy.
Úi qustaryna qaýipti aýrý jabaiy qustardan juǵýy múmkin. Óitkeni eldi mekende sý qoimasy bar, onda aqqýlar, jabaiy úirekter men basqa da qustar mekendeidi», - deidi SQO veterinariia basqarmasy bóliminiń basshysy Qaiyrly Qazanov.
Osyǵan bailanysty M.Jumabaev aýdany Lebiaje aýyly karantinge búginnen bastap jabyldy.
