Soltústik Qazaqstan oblysynda aiýandyqpen kisi óltirý oqiǵasy tirkeldi. Sovetskoe aýylynyń turǵyny azamattyq nekedegi áielin baltamen uryp óltirdi, - dep habarlaidy Tengrinews.kz agenttigi "Astana" telearnasyna silteme jasap.
17 qarashada Maǵjan Jumabaev aýdanynyń politsiia bólimine Sovetskoe aýylynda úidiń kireberisinde zorlyq belgileri bar 56 jastaǵy áieldiń denesi tabylǵany týraly habarlama kelip túsken.
"Atalǵan fakt QR Qylmystyq kodeksiniń 99-baby 1-bóligi "Adam óltirý" boiynsha Sotaldy tergep-tekserýlerdiń biryńǵai tiziliminde tirkeldi. Adam óltirdi degen kúdikpen osy aýyldyń 52 jastaǵy turǵyny ustaldy. Onyń aitýynsha, 14 qarashada alkogoldik ishimdikterdi birge ishý kezinde jábirlenýshi ekeýiniń arasynda janjal týyndaǵan. Janjal barysynda er adam áielge ólimge ákep soqtyratyn soqqylar jasaǵan", - dep kórsetti IIM baspasóz qyzmeti.
Áieldiń denesin 17 qarashada anasynyń jaǵdaiyn bilip qaitýǵa kelgen qyzy tapqan.
Er adam ýaqytsha ustaý izoliatoryna qamaldy. Saraptamalar taǵaiyndaldy. Tergeý júrgizilip jatyr.
