Foto:polisia.kz
SQO-da ár besinshi jol apaty trassada bolady. Politseiler profilaktikalyq jumystardy kúsheitti, – dep habarlaidy Polisia.kz.
QR Ishki ister ministrligi júrgizgen taldaýǵa sáikes ortasha eseppen alǵanda ár tórtinshi jol-kólik oqiǵasy túngi ýaqytta nemese qas qaraiǵan ýaqytta bolady. Bul ýaqytta joldyń anyq kórinýi tómendeidi, júrgizýshiler sharshaidy.
Jol apatynyń aldyn alý maqsatynda politseiler men jedel járdem qyzmetkerleri Soltústik Qazaqstan oblysynda 13-15 qyrkúiek aralyǵynda “Túngi jol” jedel-profilaktikalyq is-sharasyn ótkizdi.
Tún bolsa da, qala syrtyndaǵy joldarda kólik qozǵalysy azaimaidy. Jol ústinde alysqa qatynaityn fýralar, qurylys alańdarynda, egistik basynda baratyn aýyr júk kólikteri júredi. Tártip saqshylary olarmen profilaktikalyq sipattaǵy áńgime júrgizip, jadynamalar taratty. Sharshaý deńgeiin anyqtaý úshin meditsinalyq tekserýden ótýdi usyndy.
Sondai-aq politseiler men meditsina qyzmetkerleri uiqy qysqan jaǵdaida ne isteý kerek ekenin aitty. Qarapaiym dene jattyǵýlaryn jasaý, sýyq sýmen jýyný, ystyq shai ishý jáne t.b. Qajet bolǵan jaǵdaida politseiler júrgizýshilerdiń aldyna túsip, olardy demalatyn kempingterde jetkizip, kofe men baýyrsaqtar úlestirdi.
"Aita ketý qajet, shamamen bizdiń oblysta adamdar zardap shegetin ár besinshi jol-kólik oqiǵasy respýblikalyq mańyzy bar joldarda tirkeledi. Jyl basynan beri mundai 59 derek tirkeldi, 17 adam kóz jumyp, 113 adam jaraqattar aldy. Bul rette profilaktikalyq jumystar óte mańyzdy jáne turaqty túrde júrgiziletin bolady", – deidi SQO PD jergilikti politsiia qyzmeti basqarmasy bastyǵynyń mindetin atqarýshy Aleksandr Rozbah.
