Soltústik Qazaqstan oblysynda koronavirýsqa qarsy reseilik «Spýtnik V» vaktsinasynyń ekinshi komponenti 840 adamǵa salyndy, dep habarlaidy SQO densaýlyq saqtaý basqarmasy baspasóz qyzmeti.
Óńirge 22 aqpan kúni «Spýtnik V» vaktsinasynyń ekinshi komponenti jetkizilip, ekpe egý jumystary bastalyp ketti. Vaktsina alyp jatqandardyń ishinde meditsina qyzmetkerleri, sanitariialyq qyzmettiń mamandary bar. Tórt kúnniń ishinde 840 adamǵa ekpe jasaldy. Jalpy doza – 1200.
Koronavirýsqa qarsy vaktsinanyń ekinshi partiiasy óńirge kelesi aptada jetkizilýi tiis. Bul joly SQO-ǵa 2800 danasy bólingen.
Mamandardyń aitýynsha, birinshe kezekte qalǵan meditsina qyzmetkerleri alady. Keiin kúsh qurylymdardyń ókilderi egilmek. Sondai-aq ustazdar men bilim basqarmasy men bólimderdiń qyzmetkerleri koronavirýsqa qarsy vaktsina alady.
Búginde SQO-da koronavirýs boiynsha jaǵdai turaqtalǵan. Óńir «sary aimaqta» tur. Ótken táýlikte oblysta KVI juqtyrýdyń jańa 30 jaǵdaiy tirkeldi. Onyń 21-inde adamdar dárigerlerge aýyryp kóringen.
Jalpy osy ýaqytqa deiin óńirde COVID-19 juqtyrýdyń 12207 jaǵdaiy tirkeldi.
