سولتٷستٸك قازاقستان وبلىسىندا كوروناۆيرۋسقا قارسى رەسەيلٸك «سپۋتنيك V» ۆاكتسيناسىنىڭ ەكٸنشٸ كومپونەنتٸ 840 ادامعا سالىندى, دەپ حابارلايدى سقو دەنساۋلىق ساقتاۋ باسقارماسى باسپاسٶز قىزمەتٸ.
ٶڭٸرگە 22 اقپان كٷنٸ «سپۋتنيك V» ۆاكتسيناسىنىڭ ەكٸنشٸ كومپونەنتٸ جەتكٸزٸلٸپ, ەكپە ەگۋ جۇمىستارى باستالىپ كەتتٸ. ۆاكتسينا الىپ جاتقانداردىڭ ٸشٸندە مەديتسينا قىزمەتكەرلەرٸ, سانيتارييالىق قىزمەتتٸڭ ماماندارى بار. تٶرت كٷننٸڭ ٸشٸندە 840 ادامعا ەكپە جاسالدى. جالپى دوزا – 1200.
كوروناۆيرۋسقا قارسى ۆاكتسينانىڭ ەكٸنشٸ پارتيياسى ٶڭٸرگە كەلەسٸ اپتادا جەتكٸزٸلۋٸ تيٸس. بۇل جولى سقو-عا 2800 داناسى بٶلٸنگەن.
مامانداردىڭ ايتۋىنشا, بٸرٸنشە كەزەكتە قالعان مەديتسينا قىزمەتكەرلەرٸ الادى. كەيٸن كٷش قۇرىلىمداردىڭ ٶكٸلدەرٸ ەگٸلمەك. سونداي-اق ۇستازدار مەن بٸلٸم باسقارماسى مەن بٶلٸمدەردٸڭ قىزمەتكەرلەرٸ كوروناۆيرۋسقا قارسى ۆاكتسينا الادى.
بٷگٸندە سقو-دا كوروناۆيرۋس بويىنشا جاعداي تۇراقتالعان. ٶڭٸر «سارى ايماقتا» تۇر. ٶتكەن تەۋلٸكتە وبلىستا كۆي جۇقتىرۋدىڭ جاڭا 30 جاعدايى تٸركەلدٸ. ونىڭ 21-ٸندە ادامدار دەرٸگەرلەرگە اۋىرىپ كٶرٸنگەن.
جالپى وسى ۋاقىتقا دەيٸن ٶڭٸردە COVID-19 جۇقتىرۋدىڭ 12207 جاعدايى تٸركەلدٸ.
