Soltústik Qazaqstan oblysynda 36 jastaǵy birge turatyn áielin ólimshi etip sabaǵan 52 jastaǵy er adamdy politseiler ustady, dep habarlaidy "Ult aqparat".
SQO politsiia departamenti baspasóz qyzmetiniń málimetinshe, 16 aqpan kúni Aqqaiyń aýdandyq aýrýhanasyna kóptegen dene jaraqattarymen 1984 jyly týǵan Smirnovo eldimekeniniń turǵyny jatqyzyldy. Ony birge turatyn er adamnyń ólimshi etip sabaǵany belgili boldy.
Atalǵan fakti «Densaýlyqqa qasaqana aýyrlyǵy ortasha ziian keltirý» baby boiynsha Sotqa deiingi tergep-tekserýlerdiń biryńǵai tizilimine engizildi.
Sotqa deiingi tergeý barysynda oqiǵanyń mán-jaiy anyqtaldy. Iaǵni birge turatyn ekeýdiń arasyndaǵy janjal 13 aqpan saǵat 19.00 shamasynda týǵan. Urystyń arty tóbeleske ulasyp, 1968 jyly týǵan aýdan ortalyǵynyń turǵyny óz úiinde 36 jastaǵy áieldi urǵan. Jaraqat alǵan áiel dárigerlerdi shaqyrmai tanysynyń úiinde eki táýlik jatyp qalǵan. Jábirlenýshiniń anasy júgingen soń ǵana, politsiia qyzmetkerleri meditsinalyq kómekke muqtaj áieldi anyqtady. Ol aýdandyq aýrýhananyń hirýrgiia bólimshesine jatqyzyldy.
20 aqpan kúni jábirlenýshi alǵan jaraqattarynan aýrýhanada kóz jumdy. Osyǵan bailanysty politsiia qylmystyq isti «Densaýlyqqa qasaqana aýyr ziian keltirý» baby boiynsha ózgertti.
Kúdikti er adam ustalyp, Aqqaiyń aýdany politsiia bóliminiń ýaqytsha ustaý izoliatoryna qamaldy. Oǵan qatysty «Qamaýda ustaý» bultartpaý sharasy qabyldandy.
