Foto: ashyq derekkóz
Soltústik Qazaqstan oblysynyń prokýratýrasy biýdjet qarajatynyń jumsalýyna taldaý jasai otyryp, áleýmettik tólemderdi tóleýde zań buzýshylyqtardy anyqtady. Bul týraly Ult.kz habarlaidy.
Áleýmettik Kodekstiń 71-babyna sáikes úshten astam birge turatyn kámeletke tolmaǵan balalary bar kóp balaly otbasylarǵa aisaiynǵy memlekettik járdemaqy túrinde áleýmettik qorǵaý kózdelgen.
Kodekstiń belgilengen talaptaryna qaramastan, Qazaqstanda turaqty turýǵa ruqsaty bar 8 sheteldik otbasyǵa basqa elge ketý sebebinen olarmen birge turmaǵan balalar úshin áleýmettik járdemaqy tólengen.
Bul jaǵdai týraly ýákiletti organ habardar etilmegen, nátijesinde 5 mln teńgeden astam somaǵa artyq qarajat tóleýge jol berilgen.
Prokýrorlyq qadaǵalaý aktisi boiynsha osy otbasylarǵa tólemder toqtatyldy, alýshylardan alynǵan járdemaqylardy erikti túrde óteý týraly mindettemeler alyndy.
Budan bylai mundai faktilerdi boldyrmaý maqsatynda áleýmettik qorǵaý organdary azamattardyń memlekettik shekaradan ótýi týraly derektermen almasý bóliginde aqparattyq júielerdi integratsiialaý jóninde sharalar qabyldaityny aitylady.
